لاہور کی انسداد دہشتگردی کی عدالت نے عمران خان کے فوکل پرسن اور بھانجے بیرسٹر حسان نیازی کو کراچی لے جانے کی اجازت دے دی-
باغی ٹی وی :پولیس نے حسان نیازی کو لاہور کی انسداد دہشتگردی کی عدالت میں پیش کیا جہاں ان کو کراچی میں درج مقدمے کے سلسلے میں عدالت میں پیش کرنےکےلیےراہداری ریمانڈ کی استدعا کی گئی عدالت نےحسان نیازی کو کراچی لے جانے کے لیے دو روز کا راہداری ریمانڈ دے دیا۔
چیئرمین پی ٹی آئی عمران خان کے بھانجے اور فوکل پرسن بیرسٹر حسان نیازی کے خلاف کراچی میں بھی مقدمہ درج ہے،جس میں ان پر اشتعال انگیز تقاریر کی دفعات شامل ہیں –
جمشید کوارٹر تھانے میں اشتعال انگیز تقریر کرنے کے خلاف محمد اقبال نامی شہری کی مدعیت میں مقدمہ درج کیا گیا ہے مقدمے میں شہری نے کہا کہ گھر پر واٹس ایپ استعمال کرتے ہوئے ایک شخص کی ویڈیو سامنے آئی، ویڈیو میں وہ شخص انٹرویو دے رہا تھا۔
کوئٹہ کی مقامی عدالت نے حسان نیازی کو پنجاب پولیس کےحوالےکردیا
شہری کے مطابق انٹرویو میں اس شخص نے کہا کہ اگر عمران خان گرفتار ہوئے تو کسی کا خیال نہیں رکھا جائے گا، دما دم مست قلندر ہوگا اور اس ملک میں خانہ جنگی ہوگی اس شخص کا نام حسان نیازی عرف حفیظ اللّٰہ نیازی معلوم ہوا، وہ شخص ساتھیوں کی مدد سے عوام کو بغاوت پر اکسا رہا تھاحسان نیازی سابق اور موجودہ دفاعی اداروں کے سربراہان کو کوڈ ورڈ میں مخاطب کرکے دھمکا رہا تھا۔
کوئٹہ پولیس نےحسان نیازی کو تھری ایم پی او کے تحت گرفتار کرلیا
ذرائع کے مطابق پولیس حسان نیازی کی گرفتاری کے لیے آج پنجاب روانہ ہوسکتی ہے۔
Leave a reply
