بھارت کی تقسیم کا "ان چیف مودی” ،، ٹائم میگزین کی تازہ رپورٹ

سرینگر (باغی مانیٹرنگ ڈیسک)معروف امریکی جریدے”ٹائم میگزین“ نے اپنے تازہ شمارے کے سرروق پر بھارتی وزیر اعظم کی تصویر چھاپ کر انہیں ” بھارت کی تقسیم کا ان چیف “ کے لقب سے نوازا ہے۔ جریدے میں نریندر مودی کے حوالے سے شائع ہونے والے مضمون میں کہا گیا کہ نریندر مودی کا دوبارہ حکومت میں آنا عوام کیلئے ایک سانحہ ہوگا۔ مضمون میں لکھا ہے کہ بھارتیہ جنتا پارٹی پانچ برس قبل اقتدار میں آئی اور اس نے ہندﺅں اور مسلمانوںکے درمیان تناﺅ اور تفریق کو بڑھایا ۔ نریندر مودی کی معاشی پالیسی کو تنقید کانشانہ بناتے ہوئے کہا گیا کہ بھارت میں بے روزگاری عروج پر ہے ۔ مسلمانوں پر مشتعل انتہا پسندوں کے حملے روز کی بات ہے جبکہ دلتوں کیلئے بھی اپنے ہی ملک کی زمین تنگ کر دی گئی ہے ۔ جریدے نے مزیدلکھتے ہوئے کہاہے ا کہ بھارت میں اس وقت اقلیتوں کے حوالے سے تعصب اور ان پر مظالم عروج پر ہیں اور سچ یہ ہے کہ اگر مودی دوبارہ اقتدار میں آئے تو اقلیتوں کیلئے اپنے ہی ملک کی زمین مزید تنگ ہو جائےگی۔