ورلڈ ہیڈر ایڈ

دنیاپور : عطائیوں کے ہاتھوں عوام کو کون برباد کر رہا ہے ؟

دنیاپور (نمائندہ باغی ٹی وی )دنیاپور ہسپتال ہیلتھ انتظامیہ کے کرپٹ ملازمین کی ہسپتالوں عطائی ڈاکٹرز و دیگر دکانداروں سے منتھلی لینے کا سلسلہ جاری موت کے گھر آباد اعلی افسران سے نوٹس لینے کا مطالبہ

تفصیلات کے مطابق عوامی ذرائع سے معلوم ہوا کہ ہیلتھ انتظامیہ پرائس کنٹرول میں شامل چند نامور سرکاری کلرک ڈرائیور ودیگر ڈپٹی ڈی ایچ او کے ساتھ جاتے ہیں ہسپتالوں عطائی ڈاکٹرز ودیگر دکانداروں کو چیک کرتے ہیں اکثر موقع پر جرمانے کرتے ہیں اور رسید دیتے ہیں اکثر ہسپتالوں عطائی نما کلینک اور دکانوں کو سیل کرتے ہیں تاکہ جب سیل لگ جاتی ہے تو یہ کرپٹ اور کرپشن کنگ ملازم ان سے مک مکا کرنا شروع کر دیتے ہیں

چند گھنٹے بعد یا دوسرے دن بغیرکارروائی یہ ہسپتال عطائی کلینک اور دکانیں کھلی نظر آتی ہیں ذرائع سے معلوم ہوا کہ یہ لوگ عرصہ دراز سے حکومت اور عوام کو بیوقوف بنا رہے ہیں موت کے سوداگروں سے ملے ہوئے ہیں صرف فرضی کاغذی کاروائی کرکے افسران کو خوش کر رہے ہیں ہزاروں روپے ماہانہ منتھلیاں جاری ہیں مزید ذرائع کا کہنا ہے کہ ان کی بااثر سیاسی لوگ سپورٹ کرتے ہیں اگر مسئلہ بن جائے یا شکایت ہوجائے تو افسران سے ملی بھگت کر کے خاموشی ہوجاتی ہے

یہ کرپٹ ملازم پیسے لینے کے لیے اکثر جگہوں پر افسران کا نام بھی استعمال کرتے ہیں دنیا پور میں آج بھی ناقص انتظام والے کلینک جن کو جعلی ڈاکٹر چلا رہے ہیں عطائی کلینک بھی شہر اور دیہاتوں میں کھلے نظر آتے ہیں دیگر دو نمبر ملاوٹ مافیا دوکاندار بھی بے خوف کام کر رہے ہیں شہریوں کا وزیراعلی پنجاب سردار عثمان بزدار اور ڈپٹی کمشنر لودھراں سے فوری نوٹس لینے کا مطالبہ کیا ہے

جواب چھوڑیں

آپ کا ای میل ایڈریس شائع نہیں کیا جائے گا.