روزہ صبر، ایثاراور نادار لوگوں سے اخوت و ہمدردی کا درس دیتا ہے،برہان حیدر نقوی

حافظ آباد(نمائندہ باغی ٹی وی)جماعت اہل سنت کے مرکزی رہنما سید برہان حیدر نقوی نے کہا ہے کہ رمضان نزول قر آن کا مہینہ ہے جس میں اُمت مسلمہ کے ہر فرد کو کرپشن، نا انصافی، ملاوٹ و گراں فروشی جیسی سماجی برائیوں سے پاک ماحول پیدا کرکے رمضان اور قر آن سے سچی وابستگی کا ثبوت دینا چاہیے۔ ان خیالات کا اظہار وہ رمضان المبارک کے سلسلہ میں منعقدہ ایک تقریب سے خطاب کر رہے تھے۔ اُنہوں نے واضح کیا کہ روزہ صبر، ایثاراور نادار لوگوں سے اخوت و ہمدردی کا درس دیتا ہے جس کے نتیجہ میں صدقات خیرات میں فراخدلانہ رویہ کے علاوہ سرکاری دفاتر میں رشوت اور منڈی بازار میں مصنوعی گرانی کا سد باب ناگزیر ہے۔ اُنہوں نے عامۃ المسلمین سے اپیل کی کہ خدا ترسی، بھائی چارہ اور امانت و دیانت کے انقلابی پروگرام پر مسلسل ایک ماہ تک عمل کرکے اسلامی فلاحی معاشرہ کی راہ ہموار کی جائے۔

جواب چھوڑیں

آپ کا ای میل ایڈریس شائع نہیں کیا جائے گا.