سینٹرل جیل میں فارغ التحصیل طلباء کے اعزاز میں منعقدہ تقریب میں اسناد تقسیم کی گئی
فیصل آباد(نمائندہ باغی ٹی وی) سینٹرل جیل میں فارغ التحصیل طلبا کے اعزاز میں منعقدہ تقریب میں اسناد تقسیم کی گئیں اس تقاریب میں مہمان خصوصی ڈی آئی جی جیل خانہ سعید اللہ گوندل تھے دیگر مہمان گرامی میں ڈسٹرکٹ مینیجر ٹیوٹا اور ٹیوٹا BOM انجینئر عاصم منیر تھے SSP سینٹرل جیل نورالحسن بگھیلا نے مہمانوں کا پرتپاک استقبال کیا اس موقع پر پرنسپل علی عرفان رسول نے موقع پر ادارے میں چلنے والے کورسز پر بریفنگ دی پچاس کے قریب طلبا کورس مکمل کرنے اور رہائی کے بعد باہر اپنا روزگار کما رہے ہیں۔ڈی آئی جی نے ادارے کی کاوشوں کو سراہا اور اس موقع پر ڈسٹرکٹ مینیجر ٹیوٹا اور انجینئر عاصم منیر جیل خانہ جات کی خدمات کو سراہتے ہوئے کہا کہ کورسز کی تعداد کو وسیع کیا جائے گا اور اس میں مزید بہتری لائی جائے گی ۔ڈی آئی جی نے تقریب کے اختتام پر علی عرفان، سلیم اکبراور عاصم منیر کو اعزازی سر ٹیفکیٹ سے نوازا اور ٹیچر ڈے پر بوسٹل جیل کے اسٹاف کو حسن کارکردگی پر شیلڈ سے نوازا گیا۔
