شیخوپورہ پولیس کا شہر میں فلیگ مارچ

شیخوپورہ (نمائندہ باغی ٹی وی) امن و امان کی صورتحال برقرار رکھنے اور عوام میں احساس تحفظ کو قائم رکھنے کے لیے شیخوپورہ پولیس نے شہر میں فلیگ مارچ کیا۔ فلیگ مارچ کی قیادت ڈی پی او شیخوپورہ غازی محمد صلاح الدین نے خود کی. فلیگ مارچ میں ایلیٹ فورس, ٹائیگر سکواڈ ,QRF ,ٹریفک پولیس اور تھانہ جات کی نفری نے حصہ لیا۔ فلیگ مارچ پولیس لائن سے شروع ہو کر ہاوسنگ کالونی بائی پاس سے ہوتا ہوا ڈی پی او آفس میں اختتام پذیر ہوا۔ فلیگ مارچ کا مقصد عوام میں احساس تحفظ کو قائم کرنا اور سانحہ لاہور میں ہونے والی پولیس کی شہادتوں کے باوجود اپنے فرائض کی ادائیگی میں کسی صورت پیچھے نہ ہٹھنے کا عزم ہے۔ ایسے بزدلانہ واقعات ہمیں اپنے مقصد سے نہیں ہٹا سکتے۔

اس موقع پر غازی صلاح الدین نے انٹرویو دیتے ہوئے کہا کہ ہمارے اس فلیگ مارچ کا مقصد اس عزم کا اعادہ ہے کہ ہم شہادتوں کے باوجود عوام کی جان و مال کی حفاظت سے پیچھے نہیں ہٹیں گے