ورلڈ ہیڈر ایڈ

ضلعی انتظامیہ ڈینگی کو چِت کرنے میں پُر عزم

شیخوپورہ (نمائندہ باغی ٹی وی ) ڈپٹی کمشنر شیخوپورہ کے کمیٹی روم میں گزشتہ روز انسداد ڈینگی کے سلسلہ میں اجلاس کا انعقاد کیا گیا جس کی صدارت ڈپٹی کمشنر شیخوپورہ سید طارق محمود بخاری نے کی ایڈیشنل ڈپٹی کمشنر ریونیو رانا شکیل اسلم نے بریفنگ دیتےہوۓبتایا کہ ضلع شیخوپورہ میں انسداد ڈینگی کے سلسلے میں کئے گئے اقدامات تسلی بخش ہیں اور تمام سرولینس کرنے والی إن ڈور آٶٹ ڈور ٹیمیں گھروں ،دفاتر کباڑ خانوں اور قبرستانوں وغیرہ کی سرویلنس لگاتار کر رہی ہیں جس کے ضلع بھر میں مثبت نتاٸج برآمد ہو رہے ہیں۔اجلاس کی صدارت کرتے ہوئے ڈپٹی کمشنر شیخوپورہ سید طارق محمود بخاری نےکہا کہ ڈینگی کا خاتمہ کرنے کے لیے تمام محکموں کو چاہیے کہ وہ دلجمعی کے ساتھ کام کریں تاکہ ڈینگی کا مکمل خاتمہ کیا جا سکے اجلاس میں تمام تحصیلوں کے اسسٹنٹ کمشنرز ،سی ای او ہیلتھ ڈاکٹر صدیق ،محکمہ صحت کی تشکیل کردہ ڈینگی ٹیموں کے علاوہ محکمہ صحت کے افسران سمیت دیگر حساس اداروں کے افسران نے شرکت کی۔ڈپٹی کمشنر شیخوپورہ نے کہا کہ تمام سرویلنس کرنے والی ان ڈور اور آٶٹ ڈور ٹیمیں اپنی کارکرگی کو مزید بہتر بناٸیں اگر چیکنگ کے دوران اس حوالے سے کوئی بے قاعدگی پائی گئی تو متعلقہ اہلکار کے خلاف سخت قانونی کاروائی کی جائے گی۔

جواب چھوڑیں

آپ کا ای میل ایڈریس شائع نہیں کیا جائے گا.