ورلڈ ہیڈر ایڈ

مظفرگڑھ میں ظلم کی انتہا ء !7افراد کی شادی شدہ خاتون سے اجتماعی زیادتی

ضلع مظفرگڑھ میں مختاراں مائی زیادتی کیس کے بعد اجتماعی زیادتی کا ایک اور بڑا واقعہ پیش آیا ہے،7 افراد نے شادی شدہ خاتون کو بچے سمیت اغواء کرنے کے بعد شکار گاہ میں لے جاکر مبینہ طور پر اجتماعی زیادتی کا نشانہ بناڈالا،پولیس نے ایک ملزم کو گرفتار کرلیا.مظفرگڑھ کے علاقے میر حاجی میں شادی شدہ خاتون ریحانہ بی بی کو اسکے 2 سالہ بچے کے ہمراہ مبینہ طور پر اغواء کیاگیا،متاثرہ خاتون کیمطابق اسکے بچے کو مارنے کی دھمکی دیکر اسے شکار گاہ لیجایاگیا،جہاں ساتوں افراد نے اسے مبینہ طور پر زبردستی اجتماعی زیادتی کا نشانہ بنایا.اہل علاقہ کیمطابق خاتون بیہوشی کی حالت میں انھیں شکارگاہ میں پڑی ملی جبکہ انھوں نے ملزمان کو فرار ہوتے بھی دیکھا ہے.متاثرہ خاتون ریحانہ بی بی نے الزام عائد کیا ہے کہ تھانہ شاہجمال پولیس کے اہلکاروں نے اسے گالیاں نکالیں اور خودکشی کی دھمکی دینے پر پولیس نے واقعہ کا مقدمہ درج کیا۔دوسری جانب پولیس ترجمان وسیم خان گوپانگ کیمطابق اجتماعی زیادتی کا مقدمہ درج کرکے ایک ملزم بلال کو گرفتارکر لیا گیاہے.پولیس ترجمان کیمطابق خاتون کامیڈیکل کرالیا گیا ہے جبکہ مفرورملزمان کی گرفتاری کے لئے چھاپے مارے جارہے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.