ورلڈ ہیڈر ایڈ

مقبوضہ کشمیر کے عوام سے اظہار یکجہتی کے لئے چوک گھنٹہ گھر میں بڑی ریلی

فیصل آباد (محمد اویس)حکومت پنجاب کی ہدایات پر ضلعی انتظامیہ اور ڈسٹرکٹ ایجوکیشن اتھارٹی کے اشتراک سے مقبوضہ کشمیر کے عوام سے اظہار یکجہتی کے لئے چوک گھنٹہ گھر میں بڑی ریلی منعقد ہوئی جس کی قیادت ڈپٹی کمشنرمحمد علی نے کی۔چیف ایگزیکٹو آفیسر ڈسٹرکٹ ایجوکیشن اتھارٹی علی احمد سیان،پرنسپل ایم سی بوائز ہائر سیکنڈری سکول کوتوالی روڑ راؤ اقبال،اختر بٹ،بوائز وگرلز سکولوں کے ہیڈ ٹیچرز، ٹیچرز اور بڑی تعداد میں طالب علم بھی موجود تھے جنہوں نے ہاتھوں کی رنجیر بنا کر کشمیریوں سے یکجہتی کا بھرپور اظہار کیا۔شرکا نے کشمریوں سے اظہار یکجہتی کے لئے بینرزاورپلے کارڈز بھی اٹھا رکھے تھے جبکہ کشمیر بنے گا پاکستان کے فلک شگاف نعرے بھی لگائے گئے۔ڈپٹی کمشنر نے اظہار خیال کرتے ہوئے کہا ہے کہ پاکستانی قوم کا ہر شہری مظلوم کشمیری بھائیوں کے ساتھ ہے اور کشمیر کی آزادی کے لئے ان کی اخلاقی و سفارتی امداد جاری رکھی جائے گی۔انہوں نے کشمری عوام سے یکجہتی کا اظہار کرتے ہوئے ان کی قربانیوں کو سلام پیش کیا اور کہا کہ شہیدوں کا خون ضرور رنگ لائے گا۔انہوں نے کہا کہ مسئلہ کشمیر کے پر امن حل کے لئے ضروری ہے کہ اقوام متحدہ کی قرار دادوں کے مطابق کشمیری عوام کو اپنی قسمت کا فیصلہ کرنے کا حق دیا جائے۔اس سلسلے میں عالمی اداروں کو موثرکردار ادا کرنا چاہئے۔انہوں نے کہا کہ مسئلہ کشمیر پر پوری قوم چٹان کی طرح متحد ہے جو کہ کشمیر کی آزادی کے لئے واضح پیغام ہے۔انہوں نے کہا کہ ریلی میں طالب علموں کی بڑی تعداد میں شرکت کشمیریوں کے ساتھ ہونے کا واضح ثبوت ہے۔اس موقع پر ڈپٹی کمشنر نے کشمیریوں پر ڈھائے جانے والے مظالم کے خلاف احتجاجی طور پر بازو پر سیاہ پٹی بھی باندھی اور تقریبا سو دن سے مقبوضہ کشمیر میں بھارتی فوج کی طرف سے عائد کرفیو اوران پرظلم وستم کی مذمت کی۔سی ای او ایجوکیشن نے کشمیری عوام کی آزادی کے لئے لازوال قربانیوں کو خراج عقیدت پیش کرتے ہوئے کہا کہ پاکستانی قوم کے دل کشمیری بھائیوں کے ساتھ دھڑکتے ہیں۔انہوں نے کشمیری عوام کے ساتھ بھارتی افواج کے ظلم و ستم اور غیر انسانی سلوک کی شدید مذمت کرتے ہوئے کہا کہ عالمی اداروں کو مقبوضہ کشمیر میں انسانی حقوق کی خلاف ورزیوں کا فوری نوٹس لینا چاہئے۔یکجہتی کشمیر ریلی سے دیگر مقررین وطالب علموں نے خطاب کرتے ہوئے کہا کہ بھارت کشمیر ی عوام کے حق خود ارادیت کو مظالم کے ذریعے نہیں دبا سکتا۔انہوں نے کہا کہ مقبوضہ کشمیرمیں مسلم بچوں‘ خواتین اور بوڑھوں پر بھارتی فوج کے انسانیت سوز مظالم اورقتل عام افسوسناک ہے جسے فوری بند کیا جائے۔اس موقع پر کشمیر بنے گا پاکستان کے فلک شگاف نعرے لگائے گئے جبکی کشمیری عوام کی فتح و نصرت‘ قومی یکجہتی اور ملک و قوم کی ترقی و خوشحالی کی خصوصی دعا کی گئی۔
۔۔۔///۔۔۔

جواب چھوڑیں

آپ کا ای میل ایڈریس شائع نہیں کیا جائے گا.