پلانٹ فار پاکستان مہم کے تحت مظفرگڑھ کے سکولز میں شجرکاری مہم شروع ہوگئی

حکومت کی پلانٹ فار پاکستان مہم کے تحت مظفرگڑھ میں شجرکاری مہم کا افتتاح کردیاگیا،پراجیکٹ کے تحت سرکاری سکولز میں ہزاروں ماحول دوست پودے لگائے جائیں گے.حکومت کی پلانٹ فار پاکستان مہم کے تحت مظفرگڑھ کے گورنمنٹ کمپری ہنسو سکول میں گرین سکولز منصوبے کا افتتاح کیا گیا۔مشیروزیراعلی پنجاب سردار عبد الحئی دستی اور ڈپٹی کمشنر ڈاکٹر احتشام انور نے مشترکہ طور پر سکول میں پودا لگا کر منصوبے کا افتتاح کیا.اس موقع پر تقریب سے خطاب کرتے ہوئے مشیروزیراعلی پنجاب برائے زراعت سردار عبدالحئی دستی کا کہنا تھا کہ ماحولیاتی آلودگی اور موسمی تبدیلیوں سے بچنے کے لیے ضروری ہے کہ حکومت کی پلانٹ فار پاکستان مہم کو کامیاب بنایا جائے۔ان کا کہنا تھا کہ منصوبے سے پاکستان کو سرسبز بنانے میں مدد ملے گی.اس موقع پر خطاب کرتے ہوئے ڈپٹی کمشنر ڈاکٹر احتشام انور کا کہنا تھا کہ گرین سکولز پراجیکٹ کے تحت ضلع بھر کے سرکاری سکولوں میں ہزاروں ماحول دوست پودے لگائے جائیں گے.ان کا کہنا تھا کہ ضلعی انتظامیہ کی جانب سے پرائیویٹ شعبے اور سول سوسائٹی کے تعاون سے ضلع بھر میں پلانٹ فار پاکستان مہم کے تحت لاکھوں پودے لگائے جارہے ہیں.

جواب چھوڑیں

آپ کا ای میل ایڈریس شائع نہیں کیا جائے گا.