fbpx

ڈائریکٹر سول ڈیفنس پنجاب محمدالطاف بلوچ کا سول ڈیفنس آفس کا دورہ

فیصل آباد( )ڈائریکٹر سول ڈیفنس پنجاب محمدالطاف بلوچ نے سول ڈیفنس آفس کا دورہ کیا اور محکمانہ کارکردگی پر بریفنگ لی۔سول ڈیفنس آفیسر رانا عباس نے ڈائریکٹر کو چھ ماہ کی محکمانہ رپورٹ پیش کی۔ڈائریکٹر سول ڈیفنس نے آفس کے سٹور کا بھی معائنہ کیا اور وہاں موجود اشیاء کی صفائی اور ان کی حفاظت کویقینی بنانے کی تاکید کی۔انہوں نے کمبائنڈ کنٹرول اینڈ رپورٹ سنٹر کو بھی چیک کیا اور تزئین وآرائش وجنگی حالات کے عین مطابق اقدامات پر سول ڈیفنس آفیسر کی کارکردگی کو سراہا۔ڈائریکٹر سول ڈیفنس نے تنظیم شہری دفاع کے عہدیداران سے بھی میٹنگ کی۔چیف وارڈن شیخ محمد امجد ودیگر بھی موجود تھے۔اس موقع پر باہمی مشاورت سے فیصلہ کیا گیا کہ تنظیم شہری دفاع کے بلامعاوضہ ڈیوٹی سرانجام دینے والے رضا کاروں کے لئے رضا کارفنڈ قائم کیا جائے گا اس ضمن میں پانچ رکنی کمیٹی سول ڈیفنس آفیسر کی سربراہی میں قائم کی جارہی ہے جو تمام معاملات کا جائزہ لے کر رپورٹ کرے گی۔انہوں نے کہا کہ بیماری کاشکارہونے والے رضا کاروں کی مالی امداد بھی اسی فنڈز سے کی جائے گی۔ڈائریکٹر سول ڈیفنس نے سول ڈیفنس آفس کے احاطہ میں پلانٹ فار پاکستان مہم کے تحت پودا بھی لگایا۔