یوم دفاع کے سلسلے میں فل ڈریس ریہرسل تقریب ،لیڈیر کمانڈو کو دیکھ کر شائقین کا پاک فوج زندہ باد کے نعرے

خیبر پختونخواہ کے صوبائی دارالحکومت پشاور میں یوم دفاع کے سلسلے میں فل ڈریس ریہرسل کی تقریب ہوئی جس میں جنگی سازوسامان کی نمائش کی گئی۔

باغی ٹی وی کی رپورٹ کے مطابق پشاور میں یوم دفاع کے سلسلے میں فل ڈریس ریہرسل کی تقریب کرنل شیر خان شہید سٹیڈیم میں ہوئی۔ تقریب کے مہمان خصوصی بریگیڈیر سرفراز تھے ،یوم دفاع کے حوالہ سے ہونے والی تقریب میں خواتین،بچوں اور شہدا کے لواحقین اور غازیوں نے بھی شرکت کی ، تقریب میں آرمی سکول کے جوانوں نے مارشل آرٹ کا بہترین مظاہرہ کیا کرنل شیر خان شہید سٹیڈیم کے دیواروں اور سبزہ زار میں قائداعظم اور شہداء کی قد اور تصاویر آویزاں تھیں۔

سٹیڈیم کے سبزہ زار میں جنگی سازوسامان کی نمائش کی گئی دشمن کے خلاف مختلف محاذوں میں سرگرم عمل دفاع اور سازوسامان نمائش کا حصہ تھے دہشتگردوں کے خلاف مختلف آپریشن میں استعمال ہونے والا اسلحہ اور دیگر ایمونیشن بھی نمائش میں رکھی گئی، ریہرسل میں لیڈیز کمانڈو نے بھی حصہ لیا جنہوں نے دہشتگردوں کے گرد گھیرا ڈالنا اور دھماکے خیز مواد کو تباہ کرنے کا مظاہرہ کیا تقریب میں گھڑ سواروں نے برق رفتاری کے باوجود کمال مہارت سے زمین میں لگائے نشانے کو حاصل کیا اور نیزہ بازی بھی کی .

لیڈیز کمانڈو کو دیکھ کر تقریب کے شرکاء نے پاک فوج زندہ باد کے نعرے لگائے

حکومت نے یوم دفاع چھ ستمبر کو کشمیریوں کے ساتھ یکجہتی کے طور پر منانے کا فیصلہ کیا ہے اس ضمن میں حکومت نے ایک نوٹفکیشن جاری کیا ہے جس کے مطابق جمعہ چھ ستمبر کو تمام دفاتر تین بجے بند ہوں گے، دفاتر جلد بند کرنے کا مقصد یوم دفاع کی تقریبات میں شرکت ہے۔

یوم دفاع کے روز کشمیریوں سے یکجہتی کی جائے گی اورپاک سرزمین کے لئے جانیں قربان کرنے والوں کے گھروں کا دورہ کیا جائے گا

قبل ازیں  ڈی جی آئی ایس پی آر نے کہا ہے کہ چھ ستمبر یوم دفاع کو کشمیر کے نام کیا ہے،چھ ستمبر کو شہداء کے گھروں میں جائیں جنہوں نے ملک کے لئے خون دیا

باغی ٹی وی کی رپورٹ کے مطابق ڈی جی آئی ایس پی آر میجر جنرل آصف غفور کا کہنا تھا کہ چھ ستمبر کو یوم دفاع منایا جا رہا ہے، پاکستان کے لئے جانیں قربان کرنے والوں کے گھروں میں جائیں گے، اگر ان کے گھروں میں نہیں پہنچ پاتے تو ان کی قربانی ضائع کر رہے ہیں ،انہوں نے خون دیا ہے، جان دی ہے، شہداء کے اہلخانہ کو محسوس ہو کہ پاکستان ان کے ساتھ ہے،

کشمیریوں کے ساتھ کھڑے تھے ،ہیں اور رہیں گے، پاک فوج کا کشمیریوں‌ کو پیغام

‏اسرائیل کو تسلیم کرنے سے متعلق باتیں پروپیگنڈا ہے. ڈی جی آئی ایس پی آر

یہ سوچ بھی کیسے سکتے ہیں کہ کشمیر پر کسی قسم کی کوئی ڈیل ہوئی، ڈی جی آئی ایس پی آر

کشمیر کے لیے ‏‎آخری گولی،آخری سپاہی،آخری حد تک جائیں گے،ترجمان پاک فوج

بھارت سن لے، جنگیں اسلحہ سے نہیں جذبہ حب الوطنی سے لڑی جاتی ہیں، ترجمان پاک فوج

 

واضح رہے کہ گزشتہ روز پاک فوج نے اعلان کیا ہے کہ یوم دفاع 6 ستمبر کو پھچلے برس کی طرح منائیں گے، ڈی جی آئی ایس پی آر نے یوم دفاع کے حوالہ سے پرومو بھی جاری کر دیا

باغی ٹی وی کی رپورٹ کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ یوم دفاع و شہدا 6 ستمبر 2019،پچھلے سال کی طرح آئیں،ہرشہید کے گھرچلیں،

ڈی جی آئی ایس پی آر کا کہنا تھا کہ ہر شہید کو یاد رکھا جائے،آئیں چلیں شہید کے گھر،ڈی جی آئی ایس پی آر نے کشمیر بنے گا پاکستان کا ہیش ٹیگ بھی بنایا

آئی ایس پی آر نے یوم دفاع پر آئیں چلیں شہید کے گھر کے نام سے پرومو ریلیز کردیا ،یوم دفاع کے پروموپر لوگو "کشمیر بنے کاپاکستان "ہے

جواب چھوڑیں

آپ کا ای میل ایڈریس شائع نہیں کیا جائے گا.