fbpx

یکجہتی کشمیر وزیر اعظم آفس کے دروازے کھول دیے گئے ،عوام کا جم غفیر

یوم یکجہتی کشمیر، وزیر اعظم آفس کے دروازے کھول دیے گئے

باغی ٹی وی کی رپورٹ کے مطابق وزیرمملکت علی محمدخان،یوسف بیگ مرزا اورارکان اسمبلی کی بڑی تعداد موجود ہے، مزیر برائے اطلاعات فردوس عاشق اعوان بھی موجود ہیں، ورلڈ کالمسٹ کلب کے مرکزی صدر مظہر برلاس بھی وزیراعظم کے ہمراہ ہیں.

وزیراعظم شاہراہ دستور تک ریلی کی قیادت کریں گے،

کشمیریوں سے یکجہتی کے لئے وزیراعظم ہاؤس پر پاکستان اور آزاد کشمیر کے پرچم لگا دئیے گئے ،وزیراعظم آفس میں سکولز و کالجز کے طلبا و طالبات پہنچ گئے، وزیراعظم خطاب کریں گے.

وزیراعظم عمران خان نے قوم پر زور دیا ہے کہ وہ کشمیری عوام سے بھرپور اظہار یکجہتی کےلئے نصف گھنٹہ کے لئے سب کام چھوڑ کر باہر نکلیں اور کشمیریوں کو واضح پیغام دیں کہ پاکستانی قوم بھارت کے جبر و فسطائیت، مودی حکومت کے نسل کشی کے ایجنڈا اور خطہ کی حیثیت تبدیل کرنے کے غیر قانونی اقدام کے خلاف کشمیری بھائیوں کے ساتھ کھڑی ہے