بزدار حکومت عوامی فلاح وبہبود کے منصوبوں کے ثمرات عوام تک بلا تفریق پہنچانے کے لئے بھرپور اقدامات کررہی ہے، ملک عمر فاروق

0
44

فیصل آباد(محمد اویس)بزدار حکومت عوامی فلاح وبہبود کے منصوبوں کے ثمرات عوام تک بلا تفریق پہنچانے کے لئے بھرپور اقدامات کررہی ہے اس سلسلے میں ترقی کے ثمرات ہر گلی محلہ تک پہنچائے جارہے ہیں۔یہ بات معاون خصوصی وزیر اعلیٰ پنجاب برائے سپورٹس ملک عمر فاروق نے ڈی سی آفس میں حلقہ پی پی 106میں مختلف سیکٹرز کی ترقیاتی سکیموں کے لئے دستیاب فنڈز اور ان پر اب تک کی پیشرفت کا جائزہ لیتے ہوئے کہی۔ڈپٹی ڈائریکٹرڈویلپمنٹ ڈاکٹر نوید نے معاون خصوصی کو ترقیاتی منصوبوں کے بارے میں تفصیلات سے آگاہ کیا۔مختلف محکموں کے افسران بھی اس موقع پر موجود تھے۔معاون خصوصی برائے سپورٹس نے حلقہ پی پی 106میں تعلیم وصحت،سپورٹس،ریسکیو1122،لوکل گورنمنٹ،ہائی ویز،فیسکو،سوئی گیس ودیگر شعبوں میں جاری 102سکیموں کی تعمیراتی پیشرفت کاجائزہ لیتے ہوئے ان کی تازہ ترین پراگریس کے بارے میں متعلقہ افسران سے تفصیلات دریافت کیں۔انہوں نے تعلیمی اداروں میں اضافی کلاسز رومزوسکولوں کی اپ گریڈیشن کے منصوبوں سمیت دیگر سکیموں کو تیزرفتاری سے مکمل کرنے کی تاکید کی۔معاون خصوصی نے کہا کہ ترقیاتی سکیموں کے بارے میں کارکردگی رپورٹ سے انہیں بھی باقاعدگی سے آگاہ رکھاجائے۔

Leave a reply