تعلقات کے شبہ میں نوبیاہتا بیوی اوربیٹے کوقتل کردیا

ملتان۔(اے پی پی)ملتان کے علاقہ حامد پور کنورہ میں قتل کی ہولناک واردات میں ماں اوربیٹے کو کلہاڑیوں کے وار سے قتل کردیاگیا۔پولیس کے مطابق بشیر احمد کو شبہ تھا کہ اس کے 22 سالہ بیٹے اسرار کے اپنی سوتیلی ماں کے ساتھ ناجائز تعلقات ہیں۔بشیر احمد نے پہلے اپنی 25 سالہ بیوی سکینہ کو کمرے میں بند کر کے کلہاڑی کے وار سے مبینہ طوررپر قتل کر دیا۔ بشیر احمد نے اپنے سگے 22 سالہ بیٹے اسرار کو بھی کمرے میں رسیوں سے باندھ کر کلہاڑی کے وار سے مبینہ طورپر قتل کیا۔بشیر احمد کے ساتھ اس کا دوسرا بیٹا سعید بھی مبینہ طورپرقتل کرنے میں اپنے باپ کی مدد کرتا رہا۔ تھانہ مظفر آباد پولیس اطلاع ملنے پر موقع پر پہنچ گئی اور قانونی کارروائی شروع کردی۔ تھانہ مظفر آباد کی پولیس نے دونوں مبینہ قاتلوں کو گرفتار کر لیا۔