تھانہ اے ڈویژن سب آفس مقرر

قصور
8 سالہ معصوم بچے کے قاتل کو جلد قانون کے کٹہرے میں لایا جائیگا
سفاک ملزم کی گرفتاری تک تھانہ اے ڈویژن کو سب آفس قرار دے دیا گیا ہے جہاں پر پولیس ٹیموں کی کارکردگی کو مانیٹر کیا جائے گا
تفصیلات کے مطابق ڈی پی او قصور نے بتایا کہ تھانہ اے ڈویژن کے علاقہ نفیس کالونی میں 8 سالہ معصوم بچے کے افسوسناک واقعہ کی اطلاع پاکر آر پی او شیخوپورہ ریجن اوربمیں فوری موقع پر پہنچے اور پنجاب فرانزک لیب اور کرائم سین یونٹ کی ٹیموں کو طلب کیا گیا جنہوں نے موقع سے شواہد اکٹھے کیے اور 8 سالہ معصوم محمد بوٹا کی نعش پوسٹمارٹم کے بعد ورثا کے حوالے کی گئی تاہم پوسٹمارٹم رپورٹ میں بدفعلی کا عنصر نہیں پایا گیا ڈی پی او قصور کے مطابق سفاک ملزم کی گرفتاری کیلئے پیشہ ور پولیس افسران پر مشتمل 5 سپیشل ٹیمیں تشکیل دی گئیں ہیں۔جیوفینسنگ، سی ڈر آر انالسز، سی سی ٹی وی کیمروں اور ہیومن انٹیلی جنس جیسے جدید اور سائنسی طریقوں کو اپنایا جا رہا ہے۔سفاک ملزم کی گرفتاری تک تھانہ اے ڈویژن کو سب آفس قرار دے دیا گیا ہے جہاں پر پولیس ٹیموں کی کارکردگی کو مانیٹر کیا جائے گا۔انشاء اللہ بہت جلد سفاک ملزم کو گرفتار کر کے قانون کے کٹہرے میں لایا جائے گا

Leave a reply