سکھ یاتریوں کی سیکیورٹی بارے اجلاس کا انعقاد

شیخوپورہ( نمائندہ باغی ٹی وی ) ڈپٹی کمشنر شیخوپورہ سید طارق محمود بخاری کی ہدایت پر مہا راجہ رنجیت سنگھ کی برسی کے سلسلہ میں ہندوستان سے آئے 414 غیر ملکی سکھ یاتریوں کی گردوارہ سچا سودا آمد کے انتظامات کو حتمی شکل دینے کے لیے متعلقہ محکموں اور سکیورٹی اداروں کے سربراہوں کااجلاس زیر صدارت اسسٹنٹ کمشنر شیخوپورہ شبیر حسین بٹ منعقد ہوا .اجلاس سے خطاب کرتے ہوئے اسسٹنٹ کمشنر شیخوپورہ نے تمام متعلقہ اداروں بشمول ضلع کونسل بلدیہ فاروق آباد,محکمہ ہائی ویے اور حساس اداروں کو ہدایت جاری کیں کہ غیر ملکی سکھ یاتریوں کی آمد اور گردوارہ سچا سودا میں قیام کے سلسلہ میں کسی بھی قسم کی کوتاہی نہ برتی جائے اور اس امر کو یقینی بنایا جائے کہ غیر ملکی مہمان باحفاظت اور بہترین سہولیات کے ساتھ اپنے مذبہی فرائض سر انجام دے سکیں اور اس سلسلے میں کوئی کوتاہی برداشت نہیں کی جائے گی،انہوں نے بتایا کہ غیر ملکی سکھ یاتریوں کے پارٹی لیڈر گرومیت سنگھ ہونگے اور ہم غیر ملکی مہمانوں کا والہانہ استقبال کریں گے۔