سیالکوٹ ضلع کچہری میں نجی ہوٹل کے باہر ٹیوٹا موٹرز کے متاثرین کا ملک ریاض کیخلاف احتجاج

سیالکوٹ (نمائندہ باغی ٹی وی ) ضلع کچہری میں نجی ہوٹل کےباہر ٹیوٹا موٹرز کے متاثرین نے ملک ریاض عرف (ملک پپ) اور اس کے بیٹے ملک عثمان ریاض کے خلاف شدید احتجاج کیا اور رقم واپسی کا مطالبہ کیا ملک ریاض اور اس کا بیٹا ملک عثمان 4 ارب روپے کا فراڈ کر کے بیرون ملک فرار ہو چکے ہیں مظاہرین کا کہنا ہے کہ ہوٹل مالک کے بیٹے ملک عثمان ریاض نے ساتھیوں سمیت گوجرانوالہ میں اربوں روپے کا فراڈ کیا ہے جس کے ان پر مقدمات بھی درج ہیں مظاہرین کا مطالبہ ہے کہ انکی فیکٹری اور ہوٹل کو سیل کیا جائے اور ملزمان کو گرفتار کیا جائے اس دوران مظاہرین نے ہوٹل کا ملازم ہونے کے شبہ پر ایک نوجوان کو تشدد کا نشانہ بھی بنانا شروع کیا تو موقع پر ایس ڈی پی او سٹی رانا ندیم طارق نے اس نوجوان کی جان بخشی کروائی