صبح سویرےایمبولینس اور آئل ٹینکر میں تصادم کے نتیجہ میں 4افراد شدید زخمی

0
47

مظفرگڑھ میں میت کو لے جانے والی تیزرفتار ایمبولینس بے قابو ہوکر ہزاروں لیٹر پٹرول سے بھرے ہوئے آئل ٹینکر سے ٹکراگئی،حادثے میں ایمبولینس پر سوار 4 افراد شدید زخمی ہوگئے.مظفرگڑھ میں ڈیرہ غازیخان روڈ پر باڑا سٹاپ کے قریب تیزرفتار ایمبولینس بے قابو ہوکر آئل ٹینکر سے ٹکرا گئی.ریسکیو ذرائع کیمطابق ایمبولینس میں ایک شخص کی میت کو حاصل پور سے بصیرہ منتقل کیا جارہا تھا.حادثے میں ایمبولینس پر سوار میت کے لواحقین اور ڈرائیور سمیت 4 افراد شدید زخمی ہوگئے.حادثے کا شکار ہونے والے آئل ٹینکر میں 40 ہزار لیٹر پٹرول موجود ہونے کے باعث علاقے کو ٹریفک کے لیے بند کرکے ریسکیو آپریشن مکمل کیاگیا،ریسکیو آپریشن کے بعد زخمیوں کو ہسپتال منتقل کردیا گیا.ریسکیو کے مطابق حادثے کے شکار ہونے والی ایمبولینس سے میت کو نکال کر دوسری ایمبولینس کے ذریعے بصیرہ منتقل کردیا گیا ہے.

Leave a reply