قبریں زمین میں دھنسنے لگیں ، دیکھنے والوں پر خوف کے سائے ، لوگ توبہ کرنے لگے

کراچی: مون سون کی بارشوں نے ایک بار پھر کراچی کو کرچی کرچی کردیا ، اطلاعات کے مطابق کراچی میں بارش سے سرجانی ٹاؤن اور خدا کی بستی شدید متاثر ہو گئی ، علاقہ مکینوں کو مشکلات کا سامنا ہے، ادھر درجنوں قبریں بھی پانی میں دھنس گئیں۔

ذرائع کے مطابق بارش سے سرجانی کا قبرستان بھی لپیٹ میں آگیا، پانی بھر جانے سے درجنوں قبریں دھنس گئی ہیں، جس کے سبب فاتحہ خوانی کیلئے آنے والوں کو بھی پریشانی کا سامنا کرنا پڑا۔

علاقہ مکینوں نے کہا کہ بارش کی پیشگی اطلاع کے باوجود سندھ حکومت اور مئیر کراچی نے اقدامات نہیں کئے۔ان قبروں‌کے زمین میں‌دھنس جانے کے بعد وہاں لوگوں میں‌سخت خوف وہراس پایا جارہا ہے کہ کہیں قبروں کے نشانات ہی نہ مٹ جائیں