لودھراں : اراضی سنٹر التواء مسائل جلد حل کرنے کا حکم

لودھراں (نمائندہ باغی ٹی وی) اسسٹنٹ کمشنر کلیم یوسف نے آج اراضی ریکارڈ سنٹر لودھراں کا اچانک معائنہ کیا۔ا نہوں نے اس موقع سنٹر انچارج کو ہدایت کی بزرگ مرد و خواتین شہریوں کے جائز مسائل فوری حل کیئے جائیں اور التواء سے گزیر کرتے ہوئے تمام کیسوں کو فوری نمٹایا جائے۔انہوں نے اس موقع پر اراضی ریکارڈ سنٹر کے ملازمین کی حاضری کو بھی چیک کیا۔انہوں نے اراضی ریکارڈ سنٹر میں آئے ہوئے سائلین سے ان کے مسائل دریافت کیئے اور موقع پر ہی ان کے مسائل کے حل لئے احکامات صادر کیئے۔ انہوں نے متعلقہ افسران کو ہدایت کی کہ سائلین کے مسائل کا فور ی حل یقینی بنائیں تاکہ سائلین کو انتظار کی زحمت کا سامنا نہ کر نا پڑے۔ اسسٹنٹ کمشنرکلیم یوسف نے اس موقع پر اراضی ریکار ڈسنٹر کے ریکارڈ کی بھی جانچ پڑتال کی اور سنٹرمیں میں صفائی ستھرائی سمیت دیگر امور کو بھی مزید بہتر بنانے کی ہدایت کی۔