لودہراں : بین الصوبائی منشیات سپلائر گرفتار

لودہراں (نمائندہ باغی ٹی وی) تھانہ سٹی لودھراں پولیس کی منشیات فروشوں کے خلاف بڑی کاروائی. 2 بین الاصوبائی منشیات فروش میاں بیوی گرفتار، بھاری مقدار میں چرس برآمد.

تفصیلات کے مطابق ایس ایچ او تھانہ سٹی لودھراں فیضان قیوم اور ان کی ٹیم نے کاروائی کی. مخبر کی اطلاع پر کارروائی کرتے ہوئے ملزمان میاں بیوی جابر اور نورین کو گرفتار کر لیا.ملزمان کے قبضہ سے 25 کلو200گرام چرس برآمد کی.

ملزم جابر نے منشیات کے 2 پیکٹ جسم پر اور باقی گاڑی کی ڈگی میں چھپا رکھی تھی. ملزمان منشیات صوبہ بلوچستان سے لیکر پنجاب کے مختلف اضلاع میں تقسیم کرتے ہوئے رحیم یار خان جا رہے تھے. لودہراں پولیس "منشیات سے انکار زندگی سے پیار” کے سلوگن پر عمل پیرا ہے.

ڈی پی او ملک جمیل ظفر کی طرف سے کاروائی کرنے والے ایس ایچ او تھانہ سٹی فیضان قیوم اور ٹیم کے لیے تعریفی سرٹیفکیٹس اور نقد انعام کا اعلان.