لیہ – کرسمس کے موقع پر سستے کرسمس بازار قائم

لیہ(نمائندہ باغی ٹی وی )کرسمس کے موقع پر مسیحی برادری کو وزیراعلی پنجاب عثمان بزدار کی ہدایا ت کی روشنی میں سستے کرسمس بازاروں کے ذریعے سہولیات فراہم کی جائیں گی ۔یہ بات ڈپٹی کمشنر اظفر ضیاءنے کرسمس انتظامات کے جائزہ اجلاس کی صدارت کرتے ہوئے کہی۔اجلا س میں اے ڈی سی آر فیاض احمدندیم،اے ڈی سی جی محمداشفاق سیال،اے سی لیہ نیاز احمدمغل،اے سی کروڑ آصف اقبال،صدر انجمن تاجران لیہ مظفر اقبال دھول،کروڑ حاجی مختیار حسین اور متعلقہ افسران نے شرکت کی۔اجلاس میں بتایا گیا کہ 22سے 24دسمبر لیہ اور کروڑ میں دو سستے کرسمس بازاروں کام کریں گے جن میں آٹا سبسڈائز نرخوں جبکہ دیگر تمام اشیاءخورد نوش بازار سے کم قیمتوں پر ملیں گی اور بازار میں فری میڈیکل کیمپ کے علاوہ ہر مال سو روپے کا ایک ایک سٹال بھی کام کرے گا تاکہ مسیحی برادری کا ہر فرد خوشی میں شریک ہوسکیں۔ڈپٹی کمشنر نے اجلاس سے خطاب کرتے ہوئے کہا کہ اقلیتی برادری پاکستان کا قیمتی اثاثہ ہیں جس کی فلاح وبہبود مذہبی آزادی اور حقوق کے لیے حکومت پنجاب متعدد اقدامات کے ذریعے مستفید کررہی ہے اور سستے کرسمس بازاروں کا قیام اس سلسلہ کی عملی کڑی ہے ۔ڈپٹی کمشنر نے متعلقہ افسرا ن کو کرسمس بازاروں میں معیاری اشیاءخورد نوش فراہم کرنے کی ہدایت کی۔اجلاس میں مسیحی برادری کے نمائندہ افراد ناظر سوہن کھوکھر،کامران سوہن نے مختلف تجاویز پیش کیں۔