مبینہ پولیس مقابلہ،حقیقت سے پردہ اٹھ گیا

میاں چنوں نواحی علاقہ 135پندرہ ایل نیشنل ہائی وے پر لاش ملنے کا معاملہ۔ مقتول کو گولی مار کر قتل کیا گیا،ذرائع. میاں چنوں مبینہ مقابلہ میں ہلاک ہونے والے نوجوان کی شناخت تنویر لک کے نام سے ہوئی۔ورثہ نے موقع پر پہنچ کر نیشنل ہائی وے کو بلاک کر دیا ، ورثہ نے بتایا کہ یہ چار دوست کھانا کھا کر واپس اپنے گھر 111پندرہ ایل جا رہے تھے کہ پولیس نے راستے میں فائرنگ کر دی، فائرنگ کے نتیجہ میں نوجوان تنویر ہلاک ہو گیا ، جبکہ تنویر کے ساتھی رمضان کو پولیس گرفتار کر کے ساتھ لے گئ ۔باقی دو لوگ ابھی تک لاپتہ ہیں ۔ پولیس نے جائے وقوعہ پر نشانات مٹانے کے لیے مقتول کو 135سولہ ایل والے پھاٹک پر مار کر لاش کو سڑک کے دوسری جانب پھینک دی ۔ ایس ایچ او تھانہ صدر نجف عباس نے اپنے موقف میں بتایا کہ رات کوئی پولیس مقابلہ نہیں ہوا۔ 135سولہ ایل نیشنل ہائی وے پر لاش کی اطلاع پر موقع پر آئے ہیں۔واقعہ کی تحقیقات کر رہے ہیں کہ قبل از وقت کچھ نہیں کہا جا سکتا ۔مقتول کی نعش کو پوسٹ مارٹم کے لئے ڈی ایچ کیو ہسپتال خانیوال منتقل کر دیا گیا ہے