مظفرگڑھ سے ایک لاکھ 26ہزار لیٹر ایرانی تیل پکڑا گیا،4ملزمان گرفتار

مظفرگڑھ میں پولیس نے کاروائی کرتے ہوئے ایک لاکھ 26 ہزار لیٹر ایرانی تیل سے لوڈ ٹرالر پکڑ کر 4 ملزمان کو گرفتار کرلیا،پولیس کیمطابق تحویل میں لیے گئے ایرانی تیل کی قیمت 2 کروڑ روپے سے زائد ہے.مظفرگڑھ کے تھانہ سی آئی اے سٹاف اور تھانہ سٹی پولیس نے مشترکہ کارروائی کرتے ہوئے ترکی کالونی بائی پاس پر سمگل شدہ ایرانی تیل سے لوڈ ٹرالر پکڑلیا،جبکہ ٹرالر ڈرائیور اور ڈیلر سمیت 4 ملزمان کو بھی گرفتار کرلیاگیا.ڈی پی او مظفرگڑھ صادق علی ڈوگر کیمطابق پکڑے گئے ٹرالر پر 2 کروڑ روپے سے زائد مالیت ایک لاکھ 26 ہزار لیٹر سے زائد ایرانی تیل لوڈ تھا.ڈی پی او کیمطابق گرفتار ملزمان کی نشاندہی پر ایرانی تیل کے بڑے سمگلروں اور ڈیلروں کی گرفتاری کیلئے ٹارگٹڈ آپریشن شروع کردیا گیا ہے جبکہ گرفتار ملزمان کیخلاف مقدمات درج کرلیے گئے ہیں.