ملتان کےگرڈ اسٹیشن میں فنی خرابی،درجن سے زائد فیڈرز پر بجلی کی سپلائی معطل

0
146

ملتان میں 132 کے وی کے بوسن روڈ گرڈ اسٹیشن کے ایک پاور ٹرانسفارمر میں فنی خرابی کے باعث اس سے منسلک 14 گیارہ کےوی فیڈرز سے بجلی کی فراہمی معطل ہوگئی۔میپکو ترجمان جمشید نیازی کے مطابق متاثرہ فیڈرز کو گرڈ اسٹیشن کے دیگر پاور ٹرانسفارمرز کے ذریعے وقفے وقفے سے بجلی فراہم کی جارہی ہے۔متاثرہ فیڈرز میں 11kv کے ایکسپریس،نیو ایکسپریس،نیو جناح ٹاؤن،سبزہ زار،گلگشت،عثمان آباد،شالیمار،بوسن روڈ شامل ہیں۔جمشید نیازی کے مطابق متاثرہ پاور ٹرانسفارمر کی مرمت کا کام جاری ہےاگلے چند گھنٹوں میں بجلی کی فراہمی معمول پر آ جائے گی۔پاور ٹرانسفارمرکی خرابی کی وجہ سے عیدگاہ،گرےوالا،حضوری باغ،رضاہال،وحد کالونی،وینس کالونی سمیت مختلف علاقے تاریکی میں ڈوب گئے۔

Leave a reply