میرپور ماتھیلو کے قریب ٹرین کی پانچ بوگیاں پٹری سے اتر گئیں
سکھر۔ (اے پی پی)میرپور ماتھیلو کے قریب مال گاڑی کی 5 بوگیاں پٹری سے اتر گئیں،ریسکیو ذرائع کے مطابق مال گاڑی پنجاب سے کراچی جارہی تھی۔ ڈریلمنٹ کے باعث ڈاون ٹریک بلاک ہونے سے گاڑیوں کی آمد و رفت متاثر ہوئی ہے۔ کراچی جانے والی عوام ایکسپریس کو ڈہرکی کے قریب روک لیا گیا ہے۔ متعلقہ حکام و عملہ پہنچ گیا ہے، جبکہ ریسکیو کیلئے روہڑی سے جائے وقوعہ پرکرین انجن روانہ کیا گیا ہے، ریلوے ذرائع کے مطابق جلد ریلوے ٹریک کی بحالی کا کام کر لیا جائیگا۔
Leave a reply
