بھارت کا اپنی ہی خواتین پر آئی ایس آئی سے ناجائز تعلقات کا الزام،خفیہ راز دیتی رہیں
نئی دہلی:بھارت نے خواتین پر پاکستانی خفیہ ایجنسی آئی ایس آئی سے روابط رکھنے اور بھارتی فوج کے اہم راز چرانے کا الزام لگا دیا.معتبر ذرائع کے حوالے سے یہ معلوم ہوا ہے کہ بھارتی وزارت دفاع کا کہنا ہے کہ فوج نے خواتین کا ایک نیٹ ورک پکڑا ہے جو اپنے آپ کوبھارتی فوج میںاعلیٰ افسر کے طور پر ظاہر کرکے فوجیوں سے راز لے کر پاکستانی خفیہ ایجنسی کو بھیجتی رہیں.
ذرائع کے مطابق بھارتی وزارت دفاع نے فوجیوںکا ایسا گروہ پکڑا ہے جوخواتین کے اس گروپ کو خفیہ اطلاعات پہنچاتے رہے.ان میں سپاہی روندر کمار،سوم ویر سنگھ اور دیگر ساتھی اب گرفتار ہیں اور ان سے تفتیش جاری ہے.بھارتی وزارت دفاع کے مطابق یہ سلسلہ 15 ماہ سے چل رہا تھا.
بھارتی پولیس کے مطابق آئی ایس آئی کے لیے کام کرنے والی خواتین میںسے ایک اپنے آپ کو نرسنگ کور میںکیپٹن بتاتی ہےوہ بھارتی فوجیوں سے راز لے کر پاکستان بھیجتی ہے.
یاد رہےکہ بھارتی حکومت اور وزارت دفاع کی عادت بن چکی ہے کہ وہ ہر چھوٹے سے چھوٹے اور بڑے واقعہ کو پاکستان کی خفیہ ایجنسی آئی ایس آئی سے جوڑکر پاکستان کو بدنام کرنے کی ناکام کوشش کرتی ہے.