ٹرین کی ٹکر سے نوجوان زخمی

شیخوپورہ (نمائندہ باغی ٹی وی سے) لاہور سیکشن پر ریلوے پھاٹک کوٹ پنڈی داس پر فیصل آباد سے لاہور جانے والی تیز رفتار ٹرین ریلوے ٹریک پر پھنسے ہوئے رکشہ سے ٹکرا گئی جس کے نتیجہ میں اس پر سوار بارہ سالہ لڑکا سفیان عرفان شدید زخمی ہوگیا جس کو ریسکیو 1122 کے عملہ نے سول ہسپتال پہنچا دیا ہے بتایا گیا ہے کہ ریلوے پھاٹک ایک طرف سے کھلا ہونے کے باعث رکشہ اس میں پھنس گیا اور اس پر سوار ڈرائیور سمیت 6 مسافروں نے سامنے ٹرین کو دیکھ کر چھلانگیں لگا کر ٹریک کو کراس کر کے اپنی جانیں بچا لیں تاہم بارہ سالہ سفیان عرفان بر وقت رکشہ سے نہ اتر سکا اور ٹرین کی ٹکر لگنے سے رکشہ سے دور جا گرا اور شدید زخمی ہوگیا