کورونا وائرس کے مریضوں کے علاج پر مامور ڈاکٹرز و طبی عملہ کے لئے دستیاب حفاظتی کٹس و دیگر سامان کا مکمل ریکارڈ رکھا جائے اور کسی بھی ضرورت بارے قبل از وقت آگاہ

0
48

رحیم یار خان( )ایڈیشنل ڈپٹی کمشنر (جنرل)شیخ محمد طاہر نے کہا ہے کہ کورونا وائرس کے پھیلاؤ کو روکنے اور ڈاکٹرز و دیگر طبی عملہ کی حفاظت کے لئے ضلعی انتظامیہ حکومتی گائیڈ لائن کے تحت ہر ممکن اقدامات کو یقینی بنا رہی ہے۔ان خیالات کا اظہار انہوں نے ضلعی رابطہ کمیٹی برائے انسداد کورونا کے اجلاس کی صدارت کرتے ہوئے کیا۔اجلاس میں سی ای او ہیلتھ اتھارٹی ڈاکٹر سخاوت علی رندھاوا، ایم ایس شیخ زید ہسپتال ڈاکٹر آغا توحید احمد، ڈی ایچ او ڈاکٹر غضنفر شفیق سمیت دیگر متعلقہ محکموں کے افسران موجو دتھے۔ایڈیشنل ڈپٹی کمشنرنے کہا کہ کورونا وائرس کے مریضوں کے علاج پر مامور ڈاکٹرز و طبی عملہ کے لئے دستیاب حفاظتی کٹس و دیگر سامان کا مکمل ریکارڈ رکھا جائے اور کسی بھی ضرورت بارے قبل از وقت آگاہ کیا جائے تاکہ ڈاکٹرزو دیگر عملہ کے لئے سامان منگوایا جا سکے۔اجلاس میں کورونا کی موجودہ صورتحال، کنفرم و مشتبہ مریضوں کو فراہم کی جانے والی سہولیات سمیت دیگر امور کا تفصیلی جائزہ لیا گیا۔

Leave a reply