ایک جاسوس نے پنج شیر میں فساد کروایا لیکن طالبان نے کامیابی حاصل کی جو بڑی بات ہے گلبدین حکمت یار

0
41

حزب اسلامی کے سربراہ اور افغانستان کے سابق وزیر اعظم گلبدین حکمت یار کا کہنا ہے کہ افغانستان میں ایک ہی پارٹی کی حکومت ہونی چاہیے، ایک جاسوس نے پنج شیر میں فساد کروایا-

باغی ٹی وی : تفصیلات کے مطابق پاکستانی ٹی وی چینل اے آر وائی نیوز کو دیئے گئے انٹرویو میں گلبدین حکمت یار نے کہا کہ افغان عوام خواش ہیں کیونکہ انہوں نے ایک بڑا ٹارگٹ حاصل کرلیا ہے، افغانستان سے غیر ملکی افواج کا انخلا ہوچکا اور ملک میں جنگ کا خاتمہ ہوگیا، مستقبل سے متعلق عوام کو فیصلہ کرنے کا حق مل گیا ہے۔

امریکہ کا افغانستان کیلئے فوری امداد کا اعلان

انہوں نے کہا کہ طالبان نے افغانستان میں عبوری حکومت کا اعلان کیا ہے کیونکہ گزشتہ حکومت کے بعد ایک خلا پیدا ہوگیا تھا جس کو پر کرنا ضروری تھا۔ چاہتے ہیں ایک ایسی حکومت بنے جس کو عوام کی حمایت حاصل ہو کیونکہ مشاورت کے بغیر بنائی گئی حکومتیں ناکام ہوتی ہیں، ہم چاہتے ہیں کہ حکومت متحد اور ایک ہی پارٹی کے پاس ہو، حکومت میں سب کو شامل کرلیں تو کسی کا فائدہ نہیں ہوگا۔

گلبدین حکمت یار نے کہا کہ سابق افغان حکومت چاہتی تھی کہ ان کے ساتھ مل کر طالبان سے لڑیں، غیر ملکی افواج بھی یہی چاہتی تھیں، حزب اسلامی طالبان کے خلاف لڑ کر غلطی نہیں کرنا چاہتی تھی، ہم نے غیر ملکی افواج کے خلاف طویل جنگ لڑی ہے۔

امراللہ صالح کے گھر سے 65 لاکھ ڈالرز اور سونے کی اینٹیں برآمد

پنج شیر کے حوالے سے گلبدین حکمت یار نے کہا کہ ماضی میں پنج شیر کو استعمال کیا گیا، اب بھی دشمن نے احمد مسعود اور پنج شیر کو استعمال کیا ایک یہودی جاسوس احمد مسعود کو پنج شیر کیلئے اکسا رہا تھا یہ وہی یہودی ہے جس نے کردوں کو ترکی میں اکسایا اور عراق میں فساد برپا کیا-

دنیا کا سب سے بوڑھا پینگوئن”موچیکا ” چل بسا

انہوں نے کہا کہ پنج شیر میں مزاحمت والے چاہتے تھے کہ امریکہ واپس آجائے، پنج شیر میں بڑی تعداد میں اسلحہ اور گولہ بارود ملا، یہ اتنا زیادہ تھا جو ایک ملک کیلئے بھی کافی ہے، پنج شیر میں اتنا اسلحہ کیسے پہنچا؟ یہ ایک سوال ہے۔ یہاں افغانستان کے دشمنوں نے شرارت کی جو ناکام رہی، طالبان نے پنج شیر میں کامیابی حاصل کی جو بڑی بات ہے۔

پاکستان کے حوالے سے حزب اسلامی کے سربراہ نے کہا کہ عمران خان کے موقف کی حمایت اور ان کا شکریہ ادا کرتا ہوں، افغان مسئلے کو جنگ سے حل نہیں کیا جاسکتا، پاکستان نے افغانستان میں امن کیلئے اہم کردار ادا کیا ہے۔

بھارتی میڈیا کا پروپیگنڈہ ،ملا عبد الغنی برادر کا خصوصی پیغام آ گیا

Leave a reply