11 سالہ بچے نے سکول میں داخل ہوکراستاد اورساتھی کوگولی مارکرہلاک کردیا

0
20

ٹوریون :11 سالہ بچے نے سکول میں داخل ہوکراستاد اورساتھی کوگولی مارکرہلاک کردیا، اطلاعات کےمطابق جمعہ کے روز شمالی میکسیکن شہر ٹوریون میں اسکول میں فائرنگ کے نتیجے میں کم از کم 2 افراد ہلاک اور 4 زخمی ہوگئے۔

غیر ملکی خبر رساں ادارے کے مطابق 11 سالہ ایک بچہ 2 بندوقوں کے ساتھ نجی اسکول میں داخل ہوا اور اس نے اپنے اساتذہ اور ہم جماعتوں پر فائرنگ کردی۔ بعد ازاں خود کو بھی گولی ماردی۔

استاد موقع پر زخموں کی تاب نہ لاتے ہوئے ہلاک ہو گیا، اور دیگر طالب علم زخمی ہو گئے جن کی تعداد 4 کے قریب ہے۔ واقعہ کے بعد پولیس نے اسکول کو گھیرے میں لے لیا۔مقامی میڈیا کے مطابق ہلاکتوں کی تعداد 2 سے زیادہ ہے ، تاہم واقعہ کی تحقیقات کی جارہی ہے۔

خیال رہے کہ گذشتہ دو سالوں کے دوران میکسیکو میں قتل عام ریکارڈ کی سطح پر پہنچ گیا ہے، اس طرح کی اسکولوں میں فائرنگ غیر معمولی ہے۔واضح رہے کہ 2017 میں شمالی میکسیکو ہی کے ایک نجی اسکول میں ایک طالب علم نے 4 افراد اور خود کو ہلاک کیا تھا۔

Leave a reply