fbpx

اسلام آباد : 12 سال کی بچی زیادتی کے بعد قتل

اسلام آباد میں 12 سال کی بچی کو زیادتی کے بعد قتل کردیا گیا، پوسٹ مارٹم میں بچی کے ساتھ زیادتی ثابت ہوگئی۔

باغی ٹی وی : پولیس کے مطابق 12 سال کی بچی کی لاش آج صبح تھانہ رمنا کے علاقے جی الیون کے قریب میٹرو اسٹیشن سے ملی تھی۔پاکستان انسٹیٹیوٹ آف میڈیکل سائنسز (پمز) اسپتال میں بچی کی لاش کا پوسٹ مارٹم مکمل کرلیا گیا ہے، پوسٹ مارٹم پمز اسپتال کے 3 رکنی میڈیکل بورڈ نےکیا۔

ذرائع کے مطابق ابتدائی پوسٹ مارٹم رپورٹ میں بچی کے ساتھ زیادتی ثابت ہوگئی،مقتولہ بچی کے جسم پر زخم اور خراشیں ہیں، بچی کی موت دم گھٹنے سے ہوئی۔پمز اسپتال کے میڈیکل بورڈ نے بچی کی لاش کا فارنزک ٹیسٹ کرانےکا فیصلہ کیا ہے، فارنزک ٹیسٹ کے لیے نمونے پنجاب سائنس فارنزک ایجنسی بھجوائے جائیں گے۔

اسلام آباد پولیس کے مطابق بچی کی شناخت نہیں ہوسکی ہے، ایس ایس پی انویسٹی گیشن کی سربراہی میں تحقیقاتی ٹیم بنائی گئی ہے، پولیس کی جانب سے بچی کی شناخت میں مدد کے لیے عوام سے بھی مدد کی اپیل کی گئی ہے۔

دوسری جانب وفاقی دارالحکومت میں ڈاکو بینک کی گاڑی لوٹ کر باآسانی فرار ہوگئے اسلام آباد کے تھانہ آئی نائن کی حدود میں ڈاکوؤں نے بینک کی گاڑی پر حملہ کیا اور 5 ڈاکو پیسوں سے بھرے دو بیگ چھین کر فرار ہوگئے۔

ذرائع کا کہنا ہے کہ ڈاکو جاتے ہوئے ایک گارڈ کو بھی زخمی کرگئے، زخمی گارڈ کو طبی امداد کے لیے اسپتال منتقل کردیا گیا ہے۔

پولیس کا کہنا ہے کہ ڈاکو سفید گاڑی میں فرار ہوئے، سی سی ٹی وی فوٹیج کی مدد سے تحقیقات کا آغاز کردیا گیا ہے۔

پولیس کا کہنا ہے کہ اسلام آباد میں ڈکیتی کی 3 مزید وارداتیں ہوئی ہیں پولیس کے مطابق آئی جے پی روڈ پر شہری سے ایک لاکھ روپے چھین لیے گئے، جی 10 اور آئی 10 میں بھی ڈکیتی کی دو وارداتیں ہوئی، واقعے کی تحقیقات جاری ہیں-

ادھر جی ٹین میں ریٹائرڈ کرنل کے گھر ڈاکو گھس گئےڈاکو 50 تولے سونا، نقدی، موبائل فون اور دیگر سامان لوٹ کرلے گئے-

ایف آئی اے امیگریشن کی اسلام آباد ایئر پورٹ پر بروقت کاروائی، دوران میگریشن کلیئرنس مسافر محمد شعیب ولد سرفراز خان کو ترکی کے جعلی ویزے کی بنیاد پر روکا گیا۔

سرسری دریافت پر مسافر نے ایف آئی اے حکام کو بتایا کہ جعلی ویزا لگانے والا ایجنٹ ماجد خان ولد رحیم داد ایئر پورٹ پارکنگ میں موجود ہے جس پر ایئر پورٹ امیگریشن سٹاف کے شفٹ انچارج سب انسپکٹر اختر گوندل نے فوری کارروائی کرتے ہوئے ایجنٹ کو پارکنگ سے گرفتار کر لیا-

مسافر نے ویزا لگوانے کیلے چار لاکھ بیس ہزار روپے مزکورہ ایجنٹ کو دیے تھے مزکورہ ایجنٹ ماجد خان کو گرفتار کر کے تھانہ AHTC اسلام آباد منتقل کر دیا گیا. ملزمان سے مزید تفتیش جاری ہے.

علاوہ ازیں اسلام آباد میں ضلعی انتظامیہ کے غیر قانونی پیٹرول اور ڈیزل فروخت کرنے کے خلاف کریک ڈاون کیا گیا ترنول کی حدود میں بغیر این او سی او کے پیڑول بیچا جا رہا تھا ڈی سی حمزہ شفقات کی ہدایت پر مجسٹریٹ صدر زون میر یامین نے کاروائی کی کاروائی کے دوران پیٹرول اور ڈیزل کےڈرموں کو دوکان میں سیل کردیا غیر قانونی فروخت میں ملوث 1 فرد کو گرفتار کر کے تھانہ ترنول منتقل کر دیا گیا اور مشتمل دکانوں کو سیل کر دیا گیا-

Facebook Notice for EU! You need to login to view and post FB Comments!