برطانیہ کے ہیلتھ ریگولیٹر نے 12 سے 17 سال کی عمر کے بچوں کے لیے موڈرنا کوویڈ ویکسین کی منظوری دی ہے –
باغی ٹی وی : غیر ملکی خبر رساں ایجنسی دی گارجئین کے مطابق دو ماہ قبل برطانیہ میں فائزر اور جرمنی کی بائیو این ٹیک ویکسین بھی 12 سے 17 سال کی عمر کے بچوں کو لگانے کی منظوری دی گئی تھی۔
یورپیئن حکام بچوں کو موڈرنا ویکسین لگانے کی منظوری دے چکے ہیں البتہ امریکہ میں ابھی تک اس کی منظوری نہیں دی گئی ہے۔ 16 اور 17 سال کی عمر کے بچوں کو ویکسین لگوانے کے لیے والدین کی اجازت کی ضرورت نہیں ہو گی۔
میڈیسن اینڈ ہیلتھ کیئر پروڈکٹس ریگولیٹری ایجنسی (MHRA) کی جانب سے یہ اعلان اس اعلان کے بعد سامنے آیا ہے کہ انگلینڈ میں 16 اور 17 سال کے بچوں کو کوویڈ 19 ویکسین کی پہلی خوراک پیر 23 اگست تک سکول سے پہلے پیش کی جائے گی۔
میڈیسن اینڈ ہیلتھ کیئر پروڈکٹس ریگولیٹری ایجنسی (ایم ایچ آر اے) نے اسے بچوں کے لیے محفوظ اور مؤثر قرار دیا ہے۔
اس وقت ، 12 سے 15 سال کی عمر کے بچوں کو فائزر کوویڈ جاب صرف اس صورت میں پیش کی جاتی ہے جب انہیں طبی لحاظ سے کمزور سمجھا جائے اس ہفتے 16 اور 17 سال کے بچوں کو ویکسین لھانے کا فیصلہ کیا ہے
دوسری جانب نیوزی لینڈ کی وزیراعظم جسینڈرا آرڈن نے کورونا وائرس کا ایک کیس رپورٹ ہونے پر ملک بھر میں تین دن کا لاک ڈاؤن نافذ کر دیا ہے۔نیوزی لینڈ میں فروری کے بعد اگست میں کورونا کا پہلا کیس رپورٹ ہوا ہے۔
آرڈرن نے منگل ایک پریس کانفرنس کو بتایا تھا کہ حکام فرض کر رہے ہیں کہ یہ کورونا کی ڈیلٹا قسم ہے، لیکلن تحقیق ابھی جاری ہے کورونا کا کیس ملک کے سب سے بڑے شہر آکلینڈ میں سامنے آیا جہاں 58 سالہ شخص کا کورونا ٹیسٹ مثبت آیا، اس شہری نے کورونا ویکسین نہیں لگوائی تھی۔
نیوزی لینڈ میںسخت لاک ڈاؤن کے دوران عوام کو گھروں میں رہنے اور کاروبار بند رکھنے کی ہدایت کی گئی ہے۔ فارمیسی اور دیگر اشیائے ضروریہ کے اسٹور کھلے رہیں گے لیول فور لاک ڈاؤن کے تحت ، ہر ایک کو گھر پر رہنا چاہیے اور کاروبار ضروری سہولیات جیسے سپر مارکیٹ اور فارمیسیوں کے لیے بند ہیں۔
