میڈیا مالکان کارکنوں کا استحصال بند کریں، تنخواہوں کی ادائیگی کا مطالبہ آ گیا

میڈیا مالکان کارکنوں کا استحصال بند کریں، تنخواہوں کی ادائیگی کا مطالبہ آ گیا

پرنٹ و الیکٹرانک میڈیا مالکان کارکنوں کا استحصال بند کریں ، نیوز ون کے کارکنوں کو تنخواہیں ادا کی جائیں

نجی جینل نیوز ون لاہور بیورو میں فرائض ادا کرنے والے ایک میڈیا ورکر کو جمعرات کے دن طبیعت بگڑنے پر ہسپتال کی ایمرجنسی لے جانا پڑا۔ دفتر کی انتظامیہ کو مطلع کیا گیا کیونکہ دو ماہ ہونے کو آئے تنخواہ نہیں ملی۔ چھ تنخواہیں پہلے ہی دبی ہوئی ہیں۔ چار دن ہونے کو آئے دوا خریدنے کے پیسے ہیں نہ گھر میں کھانے کو ہے لیکن ادارہ ایک روپیہ دینے کو تیار نہیں۔

یاد رہے یہ وہی چینل ہے جس کے ایک رپورٹر ایس ایم عرفان نومبر میں معاشی دباؤ کے باعث جان سے گذر گئے تھے۔ کرونا کی وباء میں میڈیا ورکر جان خطرے میں ڈال کر کام کر رہے ہیں، بیمار ہو رہے ہیں اور پھر بھی تنخواہ سے محروم ہیں۔

دوسری جانب کئی میڈیا اداروں میں کام کرنے والے صحافیوں میں کرونا وائرس کی تشخیص ہو چکی ہے، لاہور میں سٹی 42، دنیا نیوز میں کرونا کے مریض سامنے آ چکے ہیں، اسلام آباد میں اے آر وائی دفتر میں کرونا کے مریض سامنے آنے کے بعد دفتر کو سیل کیا گیا ہے،اے پی پی میں بھی مریض سامنے آنے کے بعد دفتر کو سیل کر دیا گیا ہے، ہم نیو ز میں بھی کرونا کی تصدیق ہوئی ہے.

جواب چھوڑیں

آپ کا ای میل ایڈریس شائع نہیں کیا جائے گا.