fbpx

19 سالہ زارا دنیا کا چکر لگانے کے مشن پر روانہ

بیلجیم : 19 سالہ زارا ردرفورڈ جہاز پر دنیا کا چکر لگانے کے مشن پر روانہ ہو گئیں-

باغی ٹی وی : رائٹرز کے مطابق انہوں نے اپنا سفر 18 اگست کو شروع کیا اور وہ تین ماہ کے دوران 52 ممالک کے گرد چکر لگائیں گی، اور وہ اس مشن کے پہلے مرحلے میں اپنے آبائی علاقے سے انگلینڈ پہنچیں۔

زارا ردرفورڈ اپنے سفر کے دوران پانچ بر اعظموں کے سمندر، ریگستانوں اور پہاڑوں کو کراس کرتے ہوئے اپنی آرام کی منزل پر پہنچیں گی۔ انہوں نے اپنے سفر کے آغاز سے پہلے کی ویڈیو انسٹاگرام پر بھی شئیر کی۔

زرا زردرفورڈ نے برطانیہ میں تعلیم اور جہاز اڑانے کی تربیت حاصل کی اور وہ بچپن سے ہی خلاباز بننا چاہتی تھیں مگر اب وہ دنیا کا فضائی چکر لگانے والی کم عمر خاتون کا اعزاز حاصل کرنا چاہتی ہیں-

پنجاب میں ائیرایمبولینس سروس شروع کرنے کا فیصلہ، 3 علاقوں کی نشاندہی بھی کر لی…

زارا کے الٹرا لائٹ اسپورٹ طیارے کا وزن محض 325 کلو گرام ہے اور یہ تیز رفتار کے ساتھ درمیانی اونچائی پر اڑان بھرتا ہے۔

زارا کا کہنا ہے کہ وہ چاہتی ہیں کہ زیادہ سے زیادہ خواتین سائنس، ٹیکنالوجی، انجینئرنگ اور ریاضی میں تعلیم حاصل کریں اور اس میں اپنا نام بنائیں، تا کہ وہ دنیا کو بتا سکیں کہ لڑکیاں دنیا کے کسی بھی شعبے میں اپنے آپ کو منوانے کی صلاحیت رکھتی ہیں۔

انہوں نے دنیا کے گرد چکر مکمل کرنے کے لیے سعودی عرب، میانمار، گرین لینڈ اور ہنڈراس سمیت کئی ممالک سے خصوصی اجازت لی ہے۔

اگر وہ تین ماہ کے اندر دنیا کے گرد چکر لگانے کا اعزاز حاصل کرلیتی ہیں تو وہ دنیا کی پہلی نوجوان خاتون ہوں گی جبکہ گزشتہ ماہ جولائی میں ہی 18 سالہ برطانوی لڑکے نے بھی دنیا کے گرد چکر لگانے کا مشن مکمل کیا تھا۔

پاکستان کو آئی ایم ایف سے آج 2 ارب 77 کروڑ ڈالرقرض مل جائے گا