ایک ہزار کلو مردہ اور بیمار مرغیوں کا گوشت سے بھرا ٹرک پکڑا گیا، پولٹری سپلائر کون تھا؟ بڑی خبر آ گئی

0
28

پنجاب فوڈاتھارٹی میٹ سیفٹی اورویجیلنس ٹیموں نے مشترکہ کارروائی کرتے ہوئے مردہ اور بیمار مرغیاں سپلائی کرنے والا سپلائیر پکڑ لیا ہے . بیمار اور مردہ مرغیوں سے بھر ا ٹرک ٹولینٹین مارکیٹ میں سپلائی کے لیے لایا جا رہا تھا.

باغی ٹی وی کی رپورٹ‌ کے مطابق سلیم پولٹری سپلائر کا ایک ہزار کلو بیماراور مردہ مرغیوں سے بھرا ٹرک پکڑا گیا ہے،موقع پر ٹیسٹ کیا گیا تو گوشت مضر صحت پایا گیا. ڈی جی فوڈ اتھارٹی کیپٹن (ر) محمد عثمان نے کہا ہے کہ مرغی کا گوشت خریدتے وقت ہمیشہ صحت مند مرغی کو اپنے سامنے ذبح کروائیں۔ عوام سے گزارش ہے کہ پہلے سے ذبح کی گئی مرغی کا گوشت کبھی مت خریدیں۔

رپورٹ کے مطابق پنجاب فوڈ اتھارٹی میٹ سیفٹی اور ویجیلینس ٹیموں نے مشترکہ کاروائیاں کرتے ہوئے سلیم پولٹری سپلائر کا ایک ہزار کلو بیماراور مردہ مرغیوں سے بھرا ٹرک پکڑلیا۔سپلائی کے لیے لائے جانے والی مرغیوں کے میٹ سیفٹی ٹیموں نے موقع پر ٹیسٹ کیے جس میں گوشت انتہائی مضر صحت پایا گیا۔بیمار اور مردہ مرغیوں سے بھر ا ٹرک ٹولینٹین مارکیٹ میں سپلائی کے لیے لایا جا رہا تھا۔مضر صحت مردہ مرغیوں کو پیپکو بھٹی میں جلا کر تلف کرنے کے لیے روانہ کر دیا گیا ہے،

عوام سے گزارش کرتے ہوئے ڈی جی فوڈ اتھارٹی کا کہنا تھا کہ مرغی کا گوشت خریدتے وقت ہمیشہ صحت مند مرغی کو اپنے سامنے ذبح کروائیں پہلے سے ذبح کی گئی مرغی کا گوشت کبھی مت خریدیں۔کیپٹن (ر) محمد عثمان کا مزید کہنا تھا کہ معیارپر بالکل سمجھوتہ نہ کریں،خریدے وقت کوالٹی کا سخت چیک رکھیں،ہمیشہ مستند اور اچھی جگہ سے اشیاء خورونوش خریدیں۔ 

Leave a reply