ٹھٹھہ : جانور چوری میں ملوث 2 چور 2 پسٹل سمیت گرفتار،چوری شدہ 2 بیل بھی برآمد

باغی ٹی وی ،ٹھٹھہ (نامہ نگار راجہ قریشی) ٹھٹھہ پولیس کی کامياب کارروائی جانور چوری میں ملوث 2 چور 2 پسٹل سمیت گرفتار،چوری شدہ 2 بیل بھی برآمد
تفصیلات کے مطابق مورخہ 28 اکتوبر 2022 کو رات کے وقت نامعلوم ملزمان نے دیہہ جاڑادالی سے احمد خان جاڑو کے 2 بیل چوری کرکے فرار ہوگئے تھے، اس کے علاوہ مورخہ 21 اکتوبر 2022 کو ور شہر کے قریب رشید جت کے 2 بیل چوری ہوگئے تھے جن کے الگ الگ مقدمات تھانہ گھوڑاباڑی پر مدعی احمد جاڑو اور مدعی رشید جت کی مدعیت میں درج کردیے گئے تھے۔ایس ایس پی ٹھٹہ عدیل حسین چانڈیو کی سخت ہدایات پر سب انسپکٹر مختیار حسین کلہوڑو تھانہ گھوڑاباڑی، انچارج پولیس پوسٹ ور اے ایس آئی راجا ظفر راجپوت بمعہ اسٹاف نے خفیہ اطلاع ملنے پر دکو موری لنک روڈ ور کے قریب کامیاب کارروائی کرکے کیٹل تھیفٹ کے مقدمات میں ملوث 2 بدنام ایکٹو کرمنلز عبدالرحمان عرف گھوڑو ولد جھونجار چانڈیو اور شیر ولد بچل چانڈیوکو گرفتار کرلیا۔ابتدائی تفتیش کے دوران ملزمان کے قبضے سے کیٹل تھیفٹ کے مقدمات میں چوری کیے گئے 2 بیل اور جرائم میں استعمال کی گئیں 2 پسٹلز برآمد کرلی گئی ہے اس کے علاوہ ملزمان نے تھانہ ساکرو اور گھوڑاباڑی کی حدود میں متعدد وارداتوں میں ملوث ہونے کا انکشاف بھی کیا ہے مزید کرمنل ریکارڈ طلب کیا جارہا ہے۔گرفتار ملزمان کے خلاف تھانہ گھوڑاباڑی پر الگ الگ مقدمات درج کردیے گئے ہیں۔ مزید ریکوری کے لیے پولیس ریمانڈ حاصل کرلیا گیا ہے۔ تفتیش جاری ہے۔

Leave a reply