پاکستان کے دو بڑے ہائیڈرو پاور منصوبوں کے لیے فنڈز جاری

اسلام آباد: پاکستان کے دو بڑے ہائیڈرو پاور منصوبوں کے لیے فنڈز جاری کردیئے گئے۔

باغی ٹی وی : گوادر پرو کے مطابق سعودی فنڈ برائے ترقی (ایس ایف ڈی) کی جانب سے پاکستان کے دو بڑے ہائیڈرو پاور منصوبوں کے لیے فنڈز جاری کردیئے گئے، چینی ہائیڈرو پاور کمپنیاں پاکستان میں ان دو بڑے ہائیڈرو پاور پراجیکٹس کی تعمیر میں مصروف ہیں، ان سے توانائی کے بحران پر قابو پانے میں مدد ملے گی۔

بھارت نے سری نگر میں جی 20 اجلاس طلب کر لیا

ایس ایف ڈی نے پاکستان کے مہمند ملٹی پرپز ڈیم پروجیکٹ (ایم ایم ڈی پی ) کی مدد کے لیے 240 ملین ڈالر کے قرض کے معاہدے پر دستخط کیے ہیں۔ دوسرا، پاکستان کی قومی اقتصادی کونسل (ایکنک) کی ایگزیکٹو کمیٹی نے دیامر بھاشا پاور جنریشن پراجیکٹ (ڈی بی پی جی پی) کی منظوری دے دی ہے جس کی لاگت 1.2 ٹریلین روپے سے زائد ہے۔

عمران خان کی بغاوت پر اکسانے کا مقدمہ خارج کرنے کی درخواست سماعت کیلئے مقرر

گوادر پرو کے مطابق چینی ہائیڈرو پاور کمپنیاں پہلے ہی پاکستان میں ان دو بڑے ہائیڈرو پاور پراجیکٹس کی تعمیر میں مصروف ہیں، جس سے ملک کو کم لاگت، سبز اور پائیدار توانائی کے ذریعے توانائی کے بحران پر قابو پانے میں مدد ملے گی۔ چائنا گیزوبا گروپ کمپنی (سی جی جی سی) ایک مشترکہ منصوبے میں مہمند ڈیم تعمیر کر رہی ہے جبکہ پاور چائنا فرنٹیئر ورکس آرگنائزیشن (ایف ڈبلیو او) کے ساتھ مل کر 1 ایم ڈبلیو ڈیم کا حصہ ڈی بی پی جی پی تعمیر کر رہی ہے۔

امریکی رکن کانگریس کا عمران خان سے ٹیلیفونک رابطہ