بد کا انجام برا، رمضان میں بھی ڈکیتی سے باز نہ آئے تو پولیس مقابلے میں دونوں ڈاکو ہلاک

دونوں ڈاکو پولیس کو پچاس سے زائد مقدمات میں مطلوب تھے.

مظفرگڑھ کی تحصیل جتوئی میں مبینہ پولیس مقابلے کے دوران 2 ڈاکو ہلاک ہوگئے،مارے جانے والے ڈاکوؤں نے گزشتہ روز بھی مویشیوں کے بیوپاری سے لاکھوں روپے لوٹے تھے اور فائرنگ کرکے بیوپاری کو زخمی بھی کیا تھا.مظفرگڑھ کی تحصیل جتوئی کے علاقے موضع جھلاریں میں مبینہ پولیس مقابلے کے دوران 2 ڈاکو مارے گئے.پولیس کیمطابق مقابلے کے دوران ایک ڈاکو فرار ہونے میں کامیاب بھی ہوگیا.پولیس کیمطابق ڈاکوؤں نے گزشتہ روز علی پور میں مویشیوں کے بیوپاری منور بھٹی سے 2 لاکھ روپے چھینے تھے اور مزاحمت پر فائرنگ کرکے بیوپاری کو شدید زخمی کردیا تھا.پولیس کیمطابق ڈاکوؤں کو ٹریس کرنے کے بعد پولیس ڈاکوؤں کے ٹھکانے پر پہنچی تو انھوں نے پولیس پر فائرنگ شروع کردی اور جوابی فائرنگ میں دو ڈاکو مارے گئے.پولیس ترجمان کیمطابق مارے جانے والے 2 ڈاکوؤں کی شناخت صدام ڈنگا اور فیاض ڈانسر کے نام سے ہوئی ہے جو قتل،ڈکیتی سمیت 50 سے زائد سنگین مقدمات میں مختلف تھانوں کی پولیس کو مطلوب تھے.

جواب چھوڑیں

آپ کا ای میل ایڈریس شائع نہیں کیا جائے گا.