ایڈیشنل سیشن جج کے چیمبر سے 2 سیب اور ایک ہینڈ واش چوری ہونے کا انوکھا واقعہ سامنے آیا ہے، جس پر پولیس نے مقدمہ درج کرکے تحقیقات کا آغاز کر دیا ہے۔
لاہور کے ایڈیشنل سیشن جج نور محمد بسمل کے چیمبر میں چوری کا یہ واقعہ اس وقت پیش آیا ،نامعلوم شخص نے موقع کا فائدہ اٹھاتے ہوئے چیمبر میں موجود 2 سیب اور ایک ہینڈ واش چپکے سے اٹھا لیے۔ واقعہ سامنے آنے پر عدالت کے عملے نے فوری طور پر اعلیٰ حکام کو آگاہ کیا۔چوری کی اس واردات کا مقدمہ تھانہ اسلام پورہ میں درج کر لیا گیا ہے۔ چیمبر سے چوری ہونے والی اشیاء کی مالیت اگرچہ زیادہ نہیں، تاہم عدالتی احاطے میں سیکیورٹی breach کو انتہائی سنجیدگی سے لیا جا رہا ہے۔
پولیس حکام کا کہنا ہے کہ عدالت کے اندر نصب کیمروں کی مدد سے ملزم تک پہنچنے کی کوشش کی جا رہی ہے جبکہ عملے سے بھی پوچھ گچھ جاری ہے۔ ابتدائی طور پر واقعے کو معمولی نوعیت کی چوری قرار دیا جا رہا ہے تاہم سیکیورٹی کو یقینی بنانے کے لیے ضروری اقدامات کا جائزہ بھی لیا جا رہا ہے۔
