مسافر کی طبیعت بگڑنے پر طیارے کی ہنگامی لینڈنگ،20 مسافر غیر قانونی طور پر سپین میں داخل

پیرس: یورپ میں پناہ حاصل کرنے کے لئے مسافر نے بیماری کا ایسا ڈرامہ رچایا کہ مراکش سے ترکی جانے والے جہاز کیو ہنگامی طور پر اسپین کے جزیرے مجوکورا پر اتارنا پڑ گیا۔

باغی ٹی وی : غیرملکی میڈیا کے مطابق اسپین میں ایک طیارے کو طبی بنیادوں پر ہنگامی لینڈنگ کرنا پڑی تاہم مریض مسافر کی اسپتال منتقلی کے دوران 20 دیگر مسافر موقع کا فائدہ اُٹھاتے ہوئے غیر قانونی طور شہر میں داخل ہوکر غائب ہوگئے۔

تاہم جب طیارے نے دوبارہ پرواز بھرنا چاہی تو 20 مسافر کم تھے جن کے بارے میں خدشہ تھا کہ وہ مریض مسافر کی اسپتال منتقلی کے دوران ایئرپورٹ سے باہر نکلنے میں کامیاب ہوگئے۔

طیارہ حادثے میں معروف گلوکارہ ہلاک

ادھر پولیس نے سرچ آپریشن کے دوران 5 مسافروں کو حراست میں لے لیا تاہم باقی مسافروں کا کچھ پتہ نہیں چل سکا 4 گھنٹے کی ناکام تلاش کے بعد طیارے نے اپنی منزل کی جانب پرواز بھرلی اور ایئرپورٹ کو فعال کردیا گیا 40 کے قریب پروازوں کا شیڈول متاثر ہوا لیکن بھاگنے والے پھربھی پکڑے نہ جا سکے پولیس نے واقعے کو ایوی ایشن کی تاریخ کا پہلا واقعہ قرار دیا-

دوسری جانب جس مسافر کی طبیعت بگڑنے پر ہنگامی لینڈنگ کی گئی تھی اسے ڈاکٹرز کی جانب سے صحت مند قرار دیئے جانے کے بعد پولیس نے مسافر کو غیرقانونی امیگریشن میں معاونت کے الزام میں حراست میں لے لیا پولیس تفتیش کاروں نے خدشہ ظاہر کیا ہے کہ میڈیکل ایمرجنسی لینڈنگ کی پہلے سے منصوبہ بندی کی گئی تھی تاکہ طیارہ اسپین میں اترے اور وہ لوگ غیرقانونی طور پر اسپین میں داخل ہوجائیں گے۔

عراقی وزیراعظم کے گھر کے پر راکٹ حملہ