fbpx

پنجاب کی22رکنی کابینہ مکمل،محکمےتفویض :وزارت داخلہ کرنل ہاشم کے سپرد

لاہور: 22 رکنی پنجاب کابینہ کو محکمے تفویض:وزارت داخلہ کا قلمدان اہم شخصیات کے سپرد ،اطلاعات کے مطابق پاکستان تحریک انصاف کے چیئرمین عمران خان نے 22 رکنی پنجاب کابینہ کو حتمی شکل دے دی، وزراء کیلئے محکمے بھی تفویض کردیئے گئے، سابق گورنر عمر سرفراز چیمہ کو مشیر اطلاعات لگانے کا فیصلہ کیا گیا ہے۔

چوہدری پرویز الٰہی کے وزیر اعلیٰ بننے کے بعد چیئرمین پی ٹی آئی عمران خان نے پنجاب کی 22 رکنی کابینہ کو حتمی شکل دیدی، وزراء کو ان کے محکمے بھی تفویض کردیئے گئے۔

رپورٹ کے مطابق محسن لغاری کو محکمہ فنانس کا قلمدان دینے کا فیصلہ کیا گیا ہے جبکہ راجہ بشارت کارپوریٹو اینڈ پراسکیوشن، راجا یاسر ہمایوں کو ہائر ایجوکیشن اور آئی ٹی کے وزیر ہوں گے۔

پنجاب کابینہ میں ڈاکٹر یاسمین کو صحت، عنصر نیازی کو لیبر اور ڈاکٹر مراد راس کو تعلیم کا محکمہ تفویض کیا گیا ہے، سردار شہاب لائیو اسٹاک، منیب چیمہ ٹرانسپورٹ اور خرم ورک وزیر قانون ہوں گے۔

کرنل ہاشم ڈوگر کو داخلہ و جیل خانہ جات، آصف نکئی کو ایکسائز اور علی افضل ساہی کو سی اینڈ ڈبلیو کا محکمہ تفویض کیا گیا ہے جبکہ نوابزادہ منصور ریونیو، حسین جہانیاں گردیزی زراعت اور لطیف نذر معدنیات کے صوبائی وزیر ہوں گے۔

رپورٹ کے مطابق غضنفر عباس سوشل ویلفیئر، حسنین دریشک کو توانائی و خوراک، محمود الرشید کو بلدیات، اسلم اقبال کو صنعت و ہاؤسنگ اور علی عباس کو جنگلات کا محکمہ دیا گیا۔

عمران خان نے سابق گورنر پنجاب عمر سرفراز چیمہ کو مشیر اطلاعات لگانے کا فیصلہ کیا ہے۔