برطانیہ کی ایک 22 سالہ طالبہ نے اپنے کنوار پن کھونے کی بولی 18 کروڑ روپے (تقریباً 1.7 ملین یورو) میں لگا کر دنیا بھر میں شہرت حاصل کر لی۔
برطانوی اخبار "مرر” کے مطابق، مانچسٹر کی رہائشی لاورا نے دسمبر 2023 میں فیصلہ کیا کہ وہ اپنی کنواری پن فروخت کرنے کی بولی لگائیں گی۔ اس مقصد کے لیے انہوں نے ایک ایجنسی میں درخواست جمع کروائی اور ممکنہ بولی دہندگان سے ملنے کے لیے متعدد تقریبات میں شرکت کی۔ کچھ ہی مہینوں بعد، ایک سخت مقابلے کے بعد، ہالی ووڈ کے ایک معروف اداکار نے سب سے زیادہ بولی لگا کر یہ موقع حاصل کر لیا۔مرر کے مطابق، لاورا جو ایک مذہبی پس منظر سے تعلق رکھتی ہیں، نے کہا کہ انہیں اپنے فیصلے پر کوئی افسوس نہیں ہے۔ انہوں نے اس فیصلے کو مالی تحفظ کے لیے ایک عملی قدم قرار دیا۔ لاورا کا کہنا تھا، "مجھے کوئی پچھتاوا نہیں ہے۔ بہت سی لڑکیاں بغیر کسی فائدے کے اپنی کنواری ہونے سے محروم ہو جاتی ہیں، لیکن میں نے کم از کم اپنے مستقبل کو محفوظ کر لیا ہے۔”
22 سالہ طالبہ نے مزید انکشاف کیا کہ ان کی نیلامی میں نہ صرف عام افراد بلکہ بڑے سیاستدانوں، کاروباری شخصیات اور مشہور شخصیات نے بھی دلچسپی ظاہر کی۔ بالآخر، لاس اینجلس کے ایک "انتہائی مشہور” ہالی ووڈ اداکار نے نیلامی جیت لی، جس نے لندن کے ایک سیاستدان اور دبئی کے ایک کاروباری شخص کو پیچھے چھوڑ دیا۔
نیلامی کے بعد، ایک تاریخ مقرر کی گئی اور لاورا ایک ایجنسی کے نمائندے کے ساتھ لندن کے ایک فائیو اسٹار ہوٹل میں اداکار سے ملنے پہنچیں۔ معاہدے کے مطابق، خریدنے والے شخص کی موجودگی میں ایک طبی معائنہ کیا گیا تاکہ لاورا کی کنواری ہونے کی تصدیق ہو سکے۔ پورے عمل کو مکمل رازداری کے ساتھ انجام دیا گیا تاکہ تمام فریقین کی شناخت محفوظ رہے۔لاورا نے اس متنازع فیصلے کے پیچھے اپنی سوچ کا اظہار کرتے ہوئے کہا کہ وہ اپنی "غیر روایتی” پسند پر خوش ہیں۔ ان کا کہنا تھا، "میں نے جو فیصلہ کیا، اس پر میں مطمئن ہوں کیونکہ میں ایک حقیقت پسند انسان ہوں۔ امکان یہی تھا کہ میں اپنی کنواری ہونے سے کسی ایسے شخص کے ساتھ محروم ہو جاتی جو بعد میں مجھ سے شادی نہ کرتا۔ یہ میرے لیے فائدہ مند نہ ہوتا۔”انہوں نے مزید بتایا کہ نیلامی سے حاصل ہونے والی رقم ان کی زندگی بدلنے کا باعث بنی۔ اس رقم سے انہوں نے جائیدادیں خرید کر کرائے پر دینے کا انتظام کیا، نئے کپڑے خریدے اور سیاحت کے مواقع سے فائدہ اٹھایا۔ مستقبل کے حوالے سے بات کرتے ہوئے لاورا نے کہا کہ وہ ایک امیر ساتھی تلاش کرنا چاہتی ہیں جو انہیں مالی مدد فراہم کرے اور ساتھ ہی ایک رومانوی تعلق بھی قائم رکھے۔”میں نے اپنی زندگی سنوار لی ہے،” انہوں نے کہا، "اب میں بغیر مالی پریشانی کے اپنے مقاصد پر توجہ مرکوز کر سکتی ہوں۔”
