fbpx

اسلام آباد انٹر نیشنل ایئرپورٹ پرمسافر سے 28 پاکستانی پاسپورٹ برآمد:کسی سے اسلحہ برآمد

اسلام آباد :اسلام آباد انٹر نیشنل ایئرپورٹ پرمسافر سے 28 پاکستانی پاسپورٹ برآمد:کسی سے اسلحہ برآمد ،اطلاعات کے مطابق اے ایس ایف حکام نے اسلام آباد سے دوحہ جانیوالے مسافر سے28پاکستانی پاسپورٹ برآمد کرکے ایف آئی اے ایمی گریشن کے حوالے کردیا ہے۔

تفصیلات کے مطابق اسلام آباد انٹر نیشنل ایئرپورٹ پر اے ایس ایف نے کارروائی کرتے دوحہ جانیوالے مسافر سے پاکستانی پاسپورٹس برآمد کرلئے ، مسافر قطر ایئر ویز کی پرواز کیو آر 633کے ذریعے دوحہ جانا چاہتا تھا۔

اطلاعات ہیں کہ نیو اسلام آباد ائیرپورٹ سے نجی ائیر لائن کے ذریعے براستہ دوحہ جنوبی افریقہ جانے والے سیالکوٹ کے مسافر عثمان عارف کی مشکوک حرکات و سکنات سے دوبارہ چیکنگ کے عمل سے گزاہ گیا جس پرملزم کے سامان سے 28پاکستانی پاسپورٹ برآمد کرلئے گئے

اے ایس ایف ذرائع کے مطابق ملزم کو تحویل میں لے لیا گیاجبکہ مزید تفشیش کیلئے نامعلوم مقام پر منتقل کردیا گیا

کارروائی کے دوران اے ایس ایف نے مسافرکے سامان کی تلاشی لی تو 28پاسپورٹ برآمد ہوئے، جس کے بعد مسافر کو ایف آئی اے ایمی گریشن کے حوالے کردیا ہے۔

دوسری جانب اے ایس ایف نے اسلام آباد انٹر نیشنل ایئرپورٹ کی چیک پوسٹ پرکارروائی کرتے ہوئے دوران سرچنگ ایک پستول ،نائن ایم ایم کے 2میگزین،15گولیاں برآمد کرلیں۔

حکام کا کہنا ہے کہ مسافرکی گاڑی کی تلاشی پر بغیرلائسنس کااسلحہ برآمد ہوا ، جس کے بعد مسافر کو مقامی پولیس کے حوالے کردیا۔

Facebook Notice for EU! You need to login to view and post FB Comments!