fbpx

2 جولائی کی رات اسلام آباد میں پرامن احتجاج کریں گے،عمران خان

2 جولائی کی رات اسلام آباد میں پرامن احتجاج کریں گے،عمران خان
باغی ٹی وی کی رپورٹ کے مطابق تحریک انصاف کے چیئرمین عمران خان نے کہا ہے کہ عالمی سازش کے تحت اقتدار میں آنے والوں نے عوام کے لیے صرف مشکلات پیدا کی ہیں،

میڈیا سے بات کرتے ہوئے عمران خان کا کہنا تھا کہ انہوں نے معیشت ٹھیک کرنی تھی کیوں کہ ان کو بڑے تجربہ کار سمجھتے تھے،کراچی میں صبح سے عوام سڑکوں پر ہے،ان لوگوں نے صرف اپنے اوپر 1100 ارب روپے کے کیسز ختم کرائے،انہوں نے اپنے آپ کو این آر او ٹو دیا،اپنی کرپشن بچانے کیلئے انہوں نے اداروں کو تباہ کیا، موجودہ کابینہ میں 60 فیصد لوگ ضمانتوں پر ہیں، پاکستان میں 2خاندانوں نے 30سال حکمرانی کی ہے، 30 سال کرپشن کرنے والوں نے صرف خود کو این آر او دیا ہے انہوں نے ایف آئی اے اور نیب کو تباہ کردیاہے،

عمران خان کا مزید کہنا تھا کہ ہمارے دور میں اتنی لوڈشیڈنگ نہیں تھی،آج ان کے پاس کوئلے کے پاس پیسے ہیں نہ ایل این جی کیلئے، کراچی کی عوام سخت گرمی میں لوڈ شیڈنگ برداشت کر رہی ہے اب بجلی بھی نہیں بن رہی اور بجلی کے ریٹس بھی بڑھا دیئے گئے ، لوگ پوچھتے ہیں کہ لوڈشیڈنگ کا عذاب مسلط کردیا گیا 2ماہ ہوگئے ہیں مہنگائی مسلسل بڑھ رہی ہے، یہ لوگ مہنگائی کم کرنے آئے تھے،عوام سڑکوں پر نکلی ہوئی ہے جو قیمتیں انہوں نے تین ماہ میں بڑھائیں ہمارے ساڑھے تین سالہ حکومت میں نہیں بڑھی جب سے ہماری حکومت گئی ہے کون سی ایسی قیامت آگئی کہ قیمتیں آسمان کو چھونے لگی ہیں۔سوائے اپنے چوری بچانے کے عوام پر بوجھ کم کرنے کی حکمت عملی بھی بنائیں،پرامن احتجاج کی اجازت ہمارا آئین دیتا ہے،2 جولائی کی رات اسلام آباد میں پرامن احتجاج کریں گے انکا خیال ہے کہ ظلم اور تشدد کر کے لوگوں کو کنٹرول کریں گے ایسے آپ لوگوں کو نہیں روک سکتے

عمران خان کا مزید کہنا تھا کہ ڈنڈے سے جمہوریت کبھی نہیں چلتی،جمہوریت اخلاقی قوت سے چلتی ہے سری لنکا میں پہلے معاشی پھر سیاسی بحران آیا،پاکستان میں ایک سازش کے تحت پہلے سیاسی بحران پیدا کیا گیا، شہباز شریف کی ساری ڈویلپمنٹ اشتہاروں میں ہوتی ہے،ان میں ملک کو بحرانوں سے نکالنے کی کوئی صلاحیت نہیں تھی، ملکی حالات بہتر کرنے کا واحد راستہ شفاف انتخابات ہیں، پنجاب میں لگ رہا ہے کہ حمزہ شہباز کی حکومت نہیں رہے گی،پنجاب کے ضمنی انتخابات میں دھاندلی کی تیاریاں ہورہی ہیں

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل