fbpx

تین سال پہلے کئے وعدے 90 فیصد پورے کر دیئے ، معاون خصوصی علی نواز اعوان

وزیراعظم کے معاونِ خصوصی برائے امورِ سی ڈی اے علی نواز اعوان نے بہارہ کہو جلسے سے خطاب کرتے ہوئے کہا کہ میں نے تین سال پہلے جو وعدے کئے تھے 90 فیصد پورے کر دیئے-

باغی ٹی وی : علی نواز اعوان نے کہا کہ دو نہیں ایک اسلام آباد کا نعرہ پورا کیا کیانی پل، بری امام پل، کیانی روڈ، قبرستان کے کام مکمل ہو رہے ہیں اسلام آباد کے باسیوں کے لیے ملازمتوں میں 50 فیصد کوٹہ منظور کروایا اسلام آباد سے منتخب ہونے والے ماضی کے ارکان اسمبلی نے کبھی اپنے وعدے پورے نہیں کیے تحریک انصاف میں بادشاہت نہیں جمہوریت ہے-

انہوں نے کہا کہ آئی جے پی روڈ چار رویہ ہو رہی ہے بادشاہت کی ذہنیت والے لوگ اپنے کاروبار کا سوچتے ہیں میں بہارہ کہو بائی پاس بنانے کا اعلان کرتا ہوں نومبر میں بہارہ کہو بائی پاس پر کام شروع ہو جائے گا اور دوسال میں مکمل ہو گا کیا ہمیں منافقوں یعنی ن لیگ سے مسئلہ ہے؟

علی نواز اعوان نے مزید کہا کہ کووڈ-19 کی وجہ سے پوری دنیا میں مہنگائی کا مسئلہ ہےمیرا لیڈر عمران خان دلیرانہ فیصلے کرتا ہے اگلے ماہ اسلام آباد میں سب کے لیے 10 لاکھ انشورنس والا صحت سہولت کارڈ جاری ہو گا بہارہ کہو میں پی ڈی ایم کی ریلی ناکام ہوئی

انہوں نے کہا کہ 35 سال اقتدار کے مزے لوٹنے والے مہنگائی کا حل دینے کو تیار نہیں ن لیگ سے بڑی منافقت نہیں دیکھی آپ کے حلقے کے پچھلے ایم این اے مریم نواز کی تسبیح پڑھتے رہے-