تین سالوں میں حکومت کی نااہلی پر وائٹ پیپر شائع کریں گے شاہد خاقان عباسی
مسلم لیگ نواز کے سینئیر رہنما شاہد خاقان عباسی کا کہنا ہے کہ احتساب کے نام نہاد عمل کو تین سال گذر گئے ہیں مقدمات کی وجوہات پورا پاکستان جانتا ہے-
باغی ٹی وی : شاہد خاقان عباسی احتساب عدالت کے باہرمیڈیا سے گفتگو کرتے ہوئے کہا کہ آڈیٹر جنرل کی رپورٹ دیکھیں اربوں کے اسکینڈل موجود ہیں نیب کو حکومت کی کرپشن نظر نہیں آتی ہر محکمے میں اربوں کی کرپشن ہورہی ہے-
شاہد خاقان عباسی کا کہنا تھا کہ ملک کا کرپٹ ترین ادارہ نیب ہےکوئی کالونی یا پراجیکٹ ایسا نہیں جن کے مالکان سے نیب نے کروڑوں روپے وصول نا کئے ہوں نیب اپوزیشن کو دبانے کا ادارہ بن چکا ہےجو لوگ آج نیب کو استعمال کررہے ہیں کل ان کو بھی جواب دینا ہوگا-
ایف آئی اے کاسب انسپکٹر تاجروں اور صنعتکاروں کو بلیک میل کرنے لگا
انہوں نے کہا کہ ملک کی خارجہ پالیسی کا کچھ پتہ ہی نہیں افغانستان سے متعلق فیصلے بند کمروں میں نہیں ہونے چاہیئےافغان پالیسی پارلیمنٹ کی مشترکہ اجلاس میں طے کی جائےافغانستان کی جنگ میں ہم نے کروڑوں پناہ گزین کو پناہ دی ہےافغانستان مسئلے پر پارلیمنٹ سے غیر متنازعہ پالیسی بنائی جائے-
مسلم لیگ رہنما نے کہا کہ جب تک آئین کے مطابق ملک نہیں چلے گا۔ ہم آگے نہیں بڑھ سکتےحقائق عوام کے سامنے آنے چاہیئےافغانستان کی جنگ میں پاکستان کا بہت نقصان ہوا ہےطے کرلیں کے عوام کی رائے کا احترام کرنا ہے یا الیکشن چوری کرنا ہےتین سالوں میں حکومت کی نااہلی پر وائٹ پیپر شائع کریں گے-