ویکسی نیشن نہ کرانیوالے 3 ہزار ہیلتھ ورکرز معطل

0
42

پیرس: ویکسی نیشن نہ کرانیوالے 3 ہزار ہیلتھ ورکرز معطل ،اطلاعات کے مطابق فرانس نے ویکسی نیشن نہ کرانے والے 3 ہزار ہیلتھ ورکرز کو معطل کردیا۔

غیر ملکی خبر رساں ایجنسی کے مطابق فرانس میں ملک کے 27 لاکھ ہیلتھ ورکرز، کیئر ہوم اور فائر سروس عملے کے لیے ویکسینیشن کو لازمی قرار دیا گیا تھا

فرانسیسی خبر رساں ایجنسی کے مطابق جمعرات کے روز فرانس نے 3 ہزار ہیلتھ ورکرز کو کورونا سے بچاؤ کی ویکسین نہ لگوانے پر معطل کردیا

فرانسیسی وزیر صحت کا کہنا تھا کہ ہیلتھ ورکرز کی زیادہ تر معطلی صرف عارضی ہے کیونکہ اس فیصلے کے بعد کافی ہیلتھ ورکرز نے ویکسین لگوانے کا فیصلہ کرلیا ہے

یاد رہےکہ اس سے پہلے فرانسیسی صدر نے ہیلتھ ورکرز کو نوٹس جاری کرتے ہوئے خبردار کیا تھا کہ وہ 15 ستمبر تک کم از کم کورونا ویکسین کی ایک خوراک لگوائیں یا پھر اپنی نوکریوں سے مستعفی ہوجائیں

دوسری جانب فرانسیسی حکومت کی جانب سے ہیلتھ ورکرز کیلئے کورونا سے بچاؤ کی ویکسین کو لازمی قرار دینے اور ویکسین نہ لگوانے کی صورت میں معطل کیے جانے کے فیصلے کیخلاف ہیلتھ ورکرز نے بھوک ہڑتال کا اعلان کردیا

Leave a reply