کراچی؛ 38 نجی و سرکاری کالجز کے طالب علم فیل مگر کیسے؟

0
28

38 نجی و سرکاری کالجز کے طالب علم فیل مگر کیسے؟

انٹر بورڈ امتحانات میں کراچی کے 25 سرکاری اور 13 نجی کالجز کے تمام طلبہ فیل ہو گئے تھے جنکی کراچی انٹرمیڈیٹ بورڈ کی جانب سے تمام کالجز کی کارکردگی کی تفصیلات جاری کردی تھی تاہم اس حوالے سوشل میڈیا صارفین شدید تنقید کررہے ہیں. ایک صارف نے لکھا کہ 14 سال مسلسل سندھ پر حکمرانی کرنے والے زرداری مافیا کے کارنامے چیک کریں کہ ان کے صوبے میں 38 نجی و سرکاری کالجز کے تمام طلبہ وطالبات انٹرمیڈیٹ امتحانات میں فیل ہو گئے.


جبکہ نجی ٹی وی کے مطابق کراچی انٹرمیڈیٹ بورڈ نے کالجز کی کارکردگی پر رجسٹریشن سرٹیفکیٹ بھی معطل کردیئے ہیں، مذکورہ کالجز میں پرنسپلز طلبہ کی تعداد بھی بڑھانے میں ناکام رہے ہیں۔ جبکہ پری میڈیکل ،پری انجینئرنگ اور جنرل سائنس گروپ کا ایک طالب علم بھی پاس نہیں ہوسکا. انٹر بورڈ کی رپورٹ کے مطابق امتحانات میں پری میڈیکل، پری انجینئرنگ اور جنرل سائنس گروپ سے کوئی ایک بھی طالب علم کامیاب نہ ہوسکا۔ 25 سرکاری کالجز اور 13 نجی کالجز کے تمام طلبہ فیل ہو گئے۔ خیال رہے کہ کراچی انٹرمیڈیٹ بورڈ نے کالجز کی کارکردگی پر سیکرٹری کالجز ایجوکیشن احمد بخش ناریجو کو خط بھی لکھ دیا تھا جبکہ چیئرمین انٹر بورڈ نے کہا تھا کہ کسی کی رجسٹریشن معطل نہیں کی ،خراب کارکردگی والے اداروں کو تنبیہ کی جائے گی.

اس حوالے سے انٹر بورڈ کراچی کے چیئرمین ڈاکٹر سعید الدین نے میڈیا سے گفتگو کرتے ہوئے اس بات کی تردید کی تھی کہ کسی کالج کی رجسٹریشن معطل کی گئی ہے۔ انہوں نے کہا تھا کہ ان کالجز کو تنبیہ کی جائے گی اور اس حوالے سے متعلقہ افراد سے بازپرس کی جائے گی۔ انہوں نے مزید کہا تھا کہ سیکریٹری کالجز کو خط کے ذریعے باور کروایا گیا ہے کہ تعلیمی معیار کو مزید بہتر کیا جائے۔

ڈائریکٹر کالجز ڈاکٹر محمد علی مانجھی کے مطابق جاری کردہ فہرست میں ہائر سیکنڈری اسکولز بھی شامل ہیں، سارا ملبہ کالجز پر نہیں گرایا جاسکتا۔ انہوں نے کہا کہ عام طور پر سائنس گروپ کے طلبہ کی تعداد دیگر گروپس کے مقابلے میں کم ہونے کی وجہ سے سائنس گروپ کے طلبہ کی کامیابی کا تناسب بھی کم ہوتا ہے۔ انہوں نے اس عزم کا اظہار کیا کہ طلبہ و اساتذہ کی حاضری یقینی بنانے کی کوشش کریں گے اور تعلیمی معیار کو بہتر بنانے کے لیے سبجیکٹ اسپیشلسٹ کی بھرتیاں شروع کردی جائیں گی۔
https://twitter.com/Khi_Alerts/status/1606633207549624320
کچھ صارفین نے تو یہاں تک کہا کہ بس 38 کالجز کے طالب علم فیل ہوگئے کوئی بات نہیں مگر بھٹو کو زندہ رکھنا ہے جبکہ ایک صارف نے سوال اٹھایا کہ آخر کیا وجہ تھی کہ اتنی تعداد میں لوگ فیل ہوگئے لہذا اس سے ظاہر ہوتا کہ پورا نظام ہی کرپٹ ہے اور صوبائی حکومت نے کچھ بھی نہیں کیا ہے.

Leave a reply